ಬೀದಿನಾಯಿಗಳಿಗೆ ಆಂಟಿ ರೆಬೀಸ್ ಚುಚ್ಚುಮದ್ದು:ಗಂಗಾಧರ

Anti-rabies vaccination for stray dogs: Gangadhar

ಮಾನ್ವಿ: ಪಟ್ಟಣದಲ್ಲಿ ಪುರಸಭೆ ಹಾಗೂ ಪಶುಚಿಕಿತ್ಸಾಲಯ ವತಿಯಿಂದ ಬೀದಿನಾಯಿಗಳಿಗೆ ಆಂಟಿ ರೆಬೀಸ್ ಚುಚ್ಚುಮದ್ದು ನೀಡಲಾಯಿತು. ಸಿಂಧನೂರಿನ ನಾಯಿ ಹಿಡಿಯುವ ತಂಡದವರು ಇಂದು ಬೆಳಿಗ್ಗೆ ಯಿಂದಲೇ ರಾಯಚೂರು ಸಿಂಧನೂರು ಮುಖ್ಯರಸ್ತೆಯಲ್ಲಿನ ಬೀದಿಗಳಲ್ಲಿ ಕಾರ್ಯಚಾರಣೆ ನಡೆಸಿ ನೂರಾರು ಬೀದಿ ನಾಯಿಗಳನ್ನು ಹಿಡಿದು ಅವುಗಳಿಗೆ ಚುಚ್ಚುಮದ್ದು ನೀಡಿ ಪಟ್ಟಣದ ಹೋರವಲಯದಲ್ಲಿ ಬೀಡಲಾಯಿತು.
ಪಟ್ಟಣದಲ್ಲಿ ಬೀದಿನಾಯಿಗಳ ಹಾವಳಿ ವಿಪರಿತವಾಗಿರುವ ಕುರಿತು ಸಾರ್ವಜನಿಕರಿಂದ ದೂರು ಬಂದ ಹಿನ್ನೆಲೆಯಲ್ಲಿ ನಾಯಿಗಳಿಗೆ ಮಾರಕ ರೋಗಗಳು ಬರದಂತೆ ಪಶು ಇಲಾಖೆಯವರು ಅಗತ್ಯವಾದ ಲಸಿಕೆಗಳನ್ನು ನೀಡಿ ಸುರಕ್ಷಿತ ಪ್ರದೇಶಗಳಿಗೆ ನಾಯಿಗಳನ್ನು ಬಿಡಲಾಯಿತು.
ಪುರಸಭೆ ಮುಖ್ಯಾಧಿಕಾರಿ ಗಂಗಾಧರ, ಅರೋಗ್ಯ ನಿರೀಕ್ಷಕರಾದ ಮಹೇಶ್ , ಪಶು ಚಿಕಿತ್ಸಾಲಯದ ತಾ.ಸಹಾಯಕ ನಿರ್ದೇಶಕರಾದ ರಾಜು ಕಂಬ್ಳೆ ,ಪುರಸಭೆ ಸಿಬ್ಬಂದಿ, ಪಶು ಇಲಾಖೆಯ ಸಿಬ್ಬಂದಿಗಳು ಇದ್ದರು.