ಸನಾತನ ರಾಷ್ಟ್ರದ ಶಂಖನಾದಮಹೋತ್ಸವಕ್ಕೆ ೨೩ ದೇಶಗಳ ಭಕ್ತರ ಆಗಮನ – ಹೆಮ್ಮೆ ವ್ಯಕ್ತಪಡಿಸಿದ ಗೋವಾ ಸಿಎಂ ಸಾವಂತ್

Goa CM Sawant expresses pride over arrival of devotees from 23 countries for Sanatan Rashtra’s Shankhanadama festival

ಜಾಹೀರಾತು

ಗೋವಾ(ಪೋಂಡಾ): ಸಚ್ಚಿದಾನಂದ ಪರಬ್ರಹ್ಮ ಡಾ. ಜಯಂತ ಅಠವಲೆ ಅವರ ವಂದನೀಯ ಉಪಸ್ಥಿತಿಯಲ್ಲಿ ಸನಾತನ ರಾಷ್ಟ್ರ ಶಂಖನಾದ ಮಹೋತ್ಸವ ಆರಂಭವಾಗಿದ್ದು ಜಗತ್ತಿನ ೨೩ ದೇಶಗಳಿಂದ ೧೯ ಸಾವಿರ ಭಕ್ತರ ಉಪಸ್ಥಿತಿಯಲ್ಲಿ ಸನಾತನ ಸಂಭ್ರಮಿಸುತ್ತಿದೆ ಎಂದು ಗೋವಾದ ಮುಖ್ಯಮಂತ್ರಿ ಡಾ.ಪ್ರಮೋದ್ ಸಾವಂತ್ ಹೆಮ್ಮೆ ವ್ಯಕ್ತಪಡಿಸಿದರು.

ಇಲ್ಲಿನ ಪೋಂಡಾದಲ್ಲಿ ಡಾ.ಜಯಂತ ಅಠವಲೆ ನಗರಿಯಲ್ಲಿ ಆಯೋಜಿಸಿದ್ದ ಸನಾತನ ರಾಷ್ಟç ಶಂಖನಾದ ಮಹೋತ್ಸವದಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ಗೋವಾದ ಸಮುದ್ರ ಕಿನಾರೆ ನೋಡಲು ಬರುವ ಜನರು ಈಗ ಸನಾತನದ ಕಾರ್ಯದಿಂದಾಗಿ ಭಾರತೀಯ ಸಂಸ್ಕೃತಿಯನ್ನು ನೋಡಲು ಬರುತ್ತಿದ್ದಾರೆ. ಗೋವಾ ಸರ್ಕಾರದಿಂದ ಸಚ್ಚಿದಾನಂದ ಪರಬ್ರಹ್ಮ ಡಾ. ಜಯಂತ ಅಠಾವಲೆ ಅವರಿಗೆ ವಿಶೇಷ ಸನ್ಮಾನ ಮಾಡಿದ ಹೆಮ್ಮೆ ನಮಗೆ ಪ್ರಾಪ್ತವಾಗಿರುವುದು ಖುಷಿ ತಂದಿದೆ ಎಂದು ಅವರು ಹೇಳಿದರು.

ಹಿಂದೆ ಜನರು ಗೋವಾದ ಸಮುದ್ರ ಹಾಗೂ ಇತರ ತಾಣಗಳನ್ನು ನೋಡಲು ಬರುತ್ತಿದ್ದರು. ಇದಕ್ಕೆ ಪೂರಕವಾಗಿ ಗೋವಾದಲ್ಲಿ ಸನಾತನ ಸಂಸ್ಥೆಯ ಕಾರ್ಯಕ್ರಮ ಪ್ರಾರಂಭವಾದ ಮೇಲೆ ನಾಗರಿಕರು ಭಾರತೀಯ ಸಂಸ್ಕೃತಿ ಮತ್ತು ದೇವಾಲಯಗಳನ್ನು ನೋಡಲು ಬರುತ್ತಿದ್ದಾರೆ. ಇದಕ್ಕೆ ಡಾ.ಜಯಂತ ಅಠವಲೆ ನಗರಿ ಹೆಚ್ಚಿನ ಪ್ರೇರಣೆ ನೀಡುತ್ತಿದೆ. ಗೋವಾ ಭೋಗ ಭೂಮಿಯಲ್ಲ, ಇದು ದೇವ ಭೂಮಿಯಾಗಿದೆ. ಸನಾತನ ಸಂಸ್ಕೃತಿ ಮತ್ತು ಶಂಖನಾದ ಮಹೋತ್ಸವದಿಂದಾಗಿ ಇಲ್ಲಿನ ಆರ್ಥಿಕತೆ ಮತ್ತು ಸಾಂಸ್ಕೃತಿಕ ಪ್ರವಾಸೋದ್ಯಮ ಹೆಚ್ಚುತ್ತಿದೆ. ಕಳೆದ ೨೫ ವರ್ಷಗಳಿಂದ ಸನಾತನ ಸಂಸ್ಥೆ ಹಿಂದೂ ಧರ್ಮದ ಪ್ರಸಾರ ಮಾಡುವ ದೊಡ್ಡ ಕಾರ್ಯವನ್ನು ಮಾಡುತ್ತಿದೆ. ಸನಾತನವು ಮಾಡಿದ ಆಧ್ಯಾತ್ಮಿಕ ಗ್ರಂಥಗಳ ರಚನೆಯು ಯುವಕರಿಗೆ ಪ್ರೇರಣೆ ನೀಡುವ ಮತ್ತು ಮುಂದಿನ ೧೦೦ ವರ್ಷಗಳವರೆಗೆ ಮಾರ್ಗದರ್ಶಕವಾಗಿದೆ. ಇದು ಸಮಾಜಕ್ಕೆ ದೀಪಸ್ತಂಭದAತಿದೆ ಎಂದು ಮುಖ್ಯಮಂತ್ರಿ ಡಾ. ಪ್ರಮೋದ್ ಸಾವಂತ್ ಶ್ಲಾಘಿಸಿದರು.

ಸನಾತನ ಸಂಸ್ಥೆಯ ಸಂಸ್ಥಾಪಕ ಸಚ್ಚಿದಾನಂದ ಪರಬ್ರಹ್ಮ ಡಾ. ಜಯಂತ ಬಾಳಾಜಿ ಅಠವಲೆ ಅವರ ೮೩ನೇ ಜನ್ಮೋತ್ಸವ ಮತ್ತು ಸಂಸ್ಥೆಯ ರಜತ ಮಹೋತ್ಸವದ ನಿಮಿತ್ತ ಗೋವಾದಲ್ಲಿ ಮೇ. ೧೭ ರಿಂದ ಮೂರು ದಿನಗಳ ಕಾಲ ಪೋಂಡಾದ ಗೋವಾ ಎಂಜಿನಿಯರಿAಗ್ ಕಾಲೇಜಿನ ಮೈದಾನದಲ್ಲಿ ಸನಾತನ ರಾಷ್ಟ್ರ ಶಂಖನಾದ ಮಹೋತ್ಸವವನ್ನು ಐತಿಹಾಸಿಕವಾಗಿ ಆಯೋಜಿಸಿದ್ದು ಶಂಖನಾದ, ಗಣೇಶ ವಂದನೆ ಮತ್ತು ವೇದ ಮಂತ್ರ ಪಠಣ ನಂತರ ಗಣ್ಯರ ಹಸ್ತದಿಂದ ದೀಪ ಪ್ರಜ್ವಲನ ಒಂದು ಇತಿಹಾಸ ನಿರ್ಮಾಣ ಮಾಡಲಿದೆ ಎಂದರು.

ಮೈಸೂರು ರಾಜವಂಶದ ಯುವರಾಜ ಹಾಗೂ ಮೈಸೂರಿನ ಸಂಸದ ಯದುವೀರ ಕೃಷ್ಣ ದತ್ತ ಚಾಮರಾಜ ಒಡೆಯರ್ ಮಾತನಾಡಿ, ನಾವು ವಿಶ್ವದ ಅತ್ಯಂತ ಪ್ರಾಚೀನ ಸಂಪ್ರದಾಯದ ರಕ್ಷಕರು. ನಮ್ಮ ಮೂಲ ನಾಗರಿಕತೆಯು ಸನಾತನ ಧರ್ಮದಲ್ಲಿ ಅಡಗಿದೆ. ಅಧ್ಯಾತ್ಮವೇ ನಮ್ಮೆಲ್ಲರ ಮೂಲ ತಿರುಳು. ಅದೇ ನಮ್ಮ ಸನಾತನ ರಾಷ್ಟ್ರದ ಮೂಲ ಕಲ್ಪನೆಯಾಗಿದೆ. ಸನಾತನ ರಾಷ್ಟ್ರವು ರಾಜಕೀಯ ಆಡಳಿತ ವ್ಯವಸ್ಥೆಯಲ್ಲ, ಬದಲಾಗಿ ಆಧ್ಯಾತ್ಮಿಕ ಸೇವಾಭಾವದಿಂದ ಮಾಡಿದ ವ್ಯವಸ್ಥೆಯಾಗಿದೆ ಎಂದರು.

ಗೋವಾ `ಬೀಚ್’ನಲ್ಲಿ ಕುಳಿತುಕೊಳ್ಳುವ ಭೂಮಿಯಲ್ಲ, ಬದಲಾಗಿ ಪರಶುರಾಮನ ಉಪಾಸನೆ ಮಾಡುವ ಭೂಮಿಯಾಗಿದೆ ಎಂದು ಪ್ರೊ. ದೇವಕೀನಂದನ್ ಠಾಕೂರ್ ಹೇಳಿದರು.
ಪಾಕಿಸ್ತಾನದ ಸರ್ಕಾರವು ಸ್ವತಃ ಭಿಕ್ಷೆ ಬೇಡುವಂತದ್ದಾಗಿದೆ. ಅದು ಭಯೋತ್ಪಾದಕರನ್ನು ತರಬೇತಿಗೊಳಿಸಿ ಇತರರಿಗೆ ಹಾನಿ ಮಾಡುತ್ತಿದೆ. ಭಾರತದಲ್ಲಿ ದೇವಾಲಯಗಳು, ಗೋಶಾಲೆಗಳು ಮತ್ತು ವೇದವಿದ್ಯಾಲಯಗಳ ನಿರ್ಮಾಣವಾಗುತ್ತಿವೆ. ನಮ್ಮ ರಾಷ್ಟ್ರ ಹಿಂದೂ ರಾಷ್ಟ್ರವಾಗಿತ್ತು ಮತ್ತು ಮುಂದೆಯೂ ಇರುತ್ತದೆ ಎಂದರು.

ಗೋವಾದ ವಿದ್ಯುತ್ ಸಚಿವ ಸುದಿನ್ ಧವಳೀಕರ್, ಬಿಜೆಪಿಯ ಗೋವಾ ರಾಜ್ಯದ ರಾಜ್ಯಾಧ್ಯಕ್ಷ ದಾಮೋದರ್ ನಾಯಕ್ ತಮ್ಮ ಮನೋಗತ ಸನಾತನ ಧರ್ಮದ ಕುರಿತು ಹಲವು ವಿಷಯಗಳನ್ನು ವ್ಯಕ್ತಪಡಿಸಿದರು. ಮಹೋತ್ಸವದ ಪ್ರಾರಂಭದಲ್ಲಿ ಧರ್ಮ ಸಂಸ್ಥಾಪನೆಗಾಗಿ ೧ ಕೋಟಿ `ಶ್ರೀರಾಮ ಜಯ ರಾಮ ಜಯ ಜಯ ರಾಮ’ ಎಂಬ ನಾಮಜಪ ಮಾಡಲಾಯಿತು.

ಇದೇವೇಳೆ ಸಚ್ಚಿದಾನಂದ ಪರಬ್ರಹ್ಮ ಡಾ. ಜಯಂತ ಅಠಾವಲೆಜೀ ಕಾ ಸಂಕ್ಷಿಪ್ತ ಚರಿತ್ರ’ ಎಂಬ ಹಿಂದಿ ಭಾಷೆಯ ಗ್ರಂಥದ ಹಾಗೂ ಇ-ಬುಕ್'ನ ಲೋಕಾರ್ಪಣ ಕಾರ್ಯಕ್ರಮ ಜರುಗಿತು.ಸಚ್ಚಿದಾನಂದ ಪರಬ್ರಹ್ಮ ಡಾ. ಅಠಾವಲೆ ನಗರ’ದ ಮುಖ್ಯ ಪ್ರವೇಶದ್ವಾರಕ್ಕೆ ಭಗವಾನ್ ಪರಶುರಾಮ್ ಸುವರ್ಣ ದ್ವಾರ' ಎಂದು, ನಗರದ ಏಳು ಮಾರ್ಗಗಳಿಗೆ 'ಸಪ್ರಿಸ್ಟುಗಳ' ಹೆಸರನ್ನು ಹಾಗೂ ಮೂರು ಮುಖ್ಯ ದೊಡ್ಡ ಸಭಾಮಂಟಪಗಳಿಗೆಶ್ರೀನಿವಾಸ ಮಂಟಪA’, ‘ಶ್ರೀದೇವಿ ಮಂಟಪA’ ಮತ್ತು ‘ಭೂದೇವಿ ಮಂಟಪA’ ಎಂದು ನಾಮಕರಣ ಮಾಡಲಾಗಿದೆ. ಮಹೋತ್ಸವ ಸ್ಥಳದಲ್ಲಿ ಭೋಜನಕ್ಕಾಗಿ ಒಟ್ಟು ೧೫ ಮಂಟಪಗಳನ್ನು ನಿರ್ಮಿಸಲಾಗಿದ್ದು ಅವುಗಳಿಗೂ ದೇವತೆಗಳ ಹೆಸರನ್ನು ಇಡಲಾಗಿದೆ. ಭಗವಾನ್ ಶ್ರೀರಾಮ, ಛತ್ರಪತಿ ಶಿವಾಜಿ ಮಹಾರಾಜರ ಪ್ರತಿಮೆಯೊಂದಿಗೆ ಗೋವರ್ಧನ ಪರ್ವತವನ್ನು ಎತ್ತಿ ಹಿಡಿದಿರುವ ಶ್ರೀಕೃಷ್ಣನ ಹಾಗೂ ಅಫ್ಜಲ್ ಖಾನ್ ವಧೆಯ ಕಟೌಟ್ ಗಳನ್ನು ನಿರ್ಮಿಸಲಾಗಿದೆ. ಆರ್ಟ್ ಆಫ್ ಲಿವಿಂಗ್ ಸಂಸ್ಥೆಯ ವತಿಯಿಂದ ೧ ಸಾವಿರ ವರ್ಷಗಳ ಹಿಂದಿನ ಸೋರಟಿ ಸೋಮನಾಥ ಜ್ಯೋತಿರ್ಲಿಂಗದ ದರ್ಶನವನ್ನು ಎಲ್ಲರಿಗೂ ಮಾಡಿಸಲಾಯಿತು. ಈ ವೇಳೆ ಮುಖ್ಯಮಂತ್ರಿ ಡಾ. ಪ್ರಮೋದ ಸಾವಂತ್ ಗೋವಾ ಸರ್ಕರದಿಂದ ಸಚ್ಚಿದಾನಂದ ಪರಬ್ರಹ್ಮ ಡಾ. ಜಯಂತ ಅಠವಲೆ ಅವರಿಗೆ ಶಾಲು, ಶ್ರೀಫಲ ಮತ್ತು ಸ್ಮರಣಿಕೆ ನೀಡಿ ವಿಶೇಷವಾಗಿ ಸನ್ಮಾನಿಸಲಾಯಿತು. ದೇಶದ ರಕ್ಷಣಾ ಕಾರ್ಯಕ್ಕಾಗಿ ಸಚ್ಚಿದಾನಂದ ಪರಬ್ರಹ್ಮ ಡಾ. ಜಯಂತ ಅಠವಲೆ ಅವರ ಹಸ್ತದಿಂದ ಮುಖ್ಯಮಂತ್ರಿ ಡಾ. ಪ್ರಮೋದ ಸಾವಂತ್ ಅವರಿಗೆ ಸಹಾಯ ನಿಧಿಯನ್ನು ಹಸ್ತಾಂತರಿಸಲಾಯಿತು.

ಕರ್ನಾಟಕದಿAದ ೫೦೦೦ಕ್ಕೂ ಅಧಿಕ ಹಿಂದೂ ಬಂಧುಗಳು ಮತ್ತು ಅನೇಕ ಗಣ್ಯರು ಪಾಲ್ಗೊಂಡಿದ್ದು, ಯುವ ಬ್ರಿಗೇಡನ ಚಕ್ರವರ್ತಿ ಸೂಲಿಬೆಲೆ, ಶ್ರೀರಾಮ ಸೇನೆಯ ರಾಷ್ಟ್ರೀಯ ಅಧ್ಯಕ್ಷರಾದ ಪ್ರಮೋದ್ ಮುತಾಲಿಕ್, ನ್ಯೂ ಹಾರೋಜನ ಕಾಲೇಜಿನ ಮುಖ್ಯಸ್ಥ ಮೋಹನ ಮೇಘನಾನಿ, ಶಾಂಭವಿ ಪೀಠದ ಸ್ವಾಮೀಜಿ ಆನಂದ ಸ್ವರೂಪ ಮಹಾರಾಜರು, ನಿವೃತ್ತ ಐ.ಎ.ಎಸ್.ಅಧಿಕಾರಿ ನಂದಕುಮಾರ ಮುಂತಾದ ಗಣ್ಯರು, ಸಂತ ಮಹಂತರು ಉಪಸ್ಥಿತರಿದ್ದರು.

ಈ ಸರ‍್ಭದಲ್ಲಿ ಗೋವಾದ ಕುಂಡೈಯಲ್ಲಿರುವ ದತ್ತ ಪದ್ಮನಾಭ ಪೀಠದ ಪದ್ಮಶ್ರೀ ಸದ್ಗುರು ಬ್ರಹ್ಮೇಶಾನಂದ ಸ್ವಾಮೀಜಿ, `ಸನಾತನ ಬೋರ್ಡ್’ ನ ಪ್ರವರ್ತಕರಾದ ಪ್ರೊ. ದೇವಕೀನಂದನ್ ಠಾಕೂರ್, ಕೇಂದ್ರ ಇಂಧನ ರಾಜ್ಯ ಸಚಿವ ಶ್ರೀಪಾದ್ ನಾಯಕ್, ಗೋವಾದ ವಿದ್ಯುತ್ ಸಚಿವ ಸುದಿನ್ ಧವಳೀಕರ್, ಗೋವಾ ರಾಜ್ಯದ ಸಮಾಜ ಕಲ್ಯಾಣ ಸಚಿವ ಸುಭಾಷ್ ಫಳದೇಸಾಯಿ, ಸನಾತನ ಸಂಸ್ಥೆಯ ವಕ್ತಾರ ಚೇತನ ರಾಜಹಂಸ ಮತ್ತು ಅಭಯ ಉಪಸ್ಥಿತರಿದ್ದರು.