ಗ್ಯಾರಂಟಿ ಯೋಜನೆಗಳು ಕಡುಬಡವರ ಬೆಳಕು: ವೀರಬಸಯ್ಯ ಕಾಡಗಿಮಠ

Guarantee schemes are a light for the poorest of the poor: Veerabasayya Kadagi Math

ಕೊಪ್ಪಳ, ನವೆಂಬರ್ 26, (ಕರ್ನಾಟಕ ವಾರ್ತೆ): ಸರಕಾರವು ಚುನಾವಣೆಗೆ ಮೊದಲು ನೀಡಿರುವ ಆಶ್ವಾಸನೆಗಳ ಪ್ರಕಾರ ಕಡುಬಡವರಿಗಾಗಿ ಪಂಚ ಗ್ಯಾರಂಟಿ ಯೋಜನೆಗಳನ್ನು ಜಾರಿಗೆ ತಂದು ಯಶಸ್ವಿಯಾಗಿ ಎರಡೂವರೆ ವರ್ಷ ಜನಪರ ಆಡಳಿತವನ್ನು ನೀಡಿದೆ ಎಂದು ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಸಮಿತಿ ಸಮಿತಿ ತಾಲೂಕಾ ಸದಸ್ಯರಾದ ವೀರಬಸಯ್ಯ ಕಾಡಗಿಮಠ ಹೇಳಿದರು.
ಅವರು ಬುಧವಾರದಂದು ಕುಷ್ಟಗಿ ತಾಲೂಕಿನ ಹಿರೇಮನ್ನಾಪೂರ ಗ್ರಾಮದಲ್ಲಿ ನಡೆದ ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ ಗ್ರಾಮ ಸಂಪರ್ಕ ಯೋಜನೆಯಡಿ ಸರಕಾರದ ವಿವಿಧ ಯೋಜನೆಗಳ ಪ್ರಚಾರ ಕಾರ್ಯಕ್ರಮದ ಅಂಗವಾಗಿ ಕುಷ್ಟಗಿಯ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಕಲಾವಿದರಾದ ಶರಣಪ್ಪ ವಡಿಗೇರಿ ಅವರ ನೇತೃತ್ವದ ಜನಜಾಗೃತಿ ಕಲಾರಂಗ ಸಂಸ್ಥೆ(ರಿ) ಕಲಾತಂಡದವರಿAದ ನಡೆದ ಬೀದಿ ನಾಟಕ ಪ್ರದರ್ಶನವನ್ನು ತಮಟೆ ಬಾರಿಸುವ ಮೂಲಕ ಉದ್ಘಾಟಿಸಿ ಅವರು ಮಾತನಾಡಿದರು.
ನಂತರ ಕಲಾ ತಂಡದವರಿAದ ಸರಕಾರದ ಯೋಜನೆಗಳಾದ ಗೃಹಲಕ್ಷಿö್ಮÃ, ಗೃಹಜ್ಯೋತಿ, ಅನ್ನಭಾಗ್ಯ, ಯುವನಿಧಿ, ಉಚಿತ ಬಸ್ ಪ್ರಯಾಣದ ಮಹಿಳೆಯರ ಶಕ್ತಿ ಯೋಜನೆಗಳ ಕುರಿತು ಪ್ರಚಾರಪಡಿಸುವ ವಿವಿಧ ಸನ್ನಿವೇಶಗಳ ಮೂಲಕ ಅಭಿನಯಿಸಿದ ಬೀದಿನಾಟಕ, ಜಾಗೃತಿ ಗೀತೆಗಳ ಕಾರ್ಯಕ್ರಮವು ಜನಮನ ರಂಜಿಸಿತು.
ಕಾರ್ಯಕ್ರಮದಲ್ಲಿ ಜಿ.ಪಂ. ಮಾಜಿ ಸದಸ್ಯರಾದ ದೊಡ್ಡಯ್ಯ ಗದ್ದಡಕಿಮಠ, ಕೆ.ಹುಸೇನಸಾಬ ಕಲಾವಿದರು, ಹನಮಂತಪ್ಪ ಕಜ್ಜಿ, ಬಾಲಪ್ಪ ಆಡೀನ್, ವೀರೇಶ ಹಾಸಗಲ್ಲ, ಅತಿಥಿಗಳಾಗಿ ಭಾಗವಹಿಸಿದ್ದರು. ಕಲಾತಂಡದಲ್ಲಿ ದಾವಲಸಾಬ ಅತ್ತಾರ, ವೀರಯ್ಯ ಹಿರೇಮಠ, ಶರಣಯ್ಯ ಹಿರೇಮಠ, ಹೇಮಂತರಾಜ, ಭೀಮಪ್ಪ ಬನ್ನಿಗೋಳ, ರೇಣುಕಾ ಮಡಿವಾಳರ, ಮಂಜುಳಾ ಬೆಟಗೇರಿ ಕಲಾವಿದರು ಭಾಗವಹಿಸಿದ್ದರು.

ಜಾಹೀರಾತು