ಗಂಗಾವತಿಯ ಹೆಮ್ಮೆಯ ವೈದ್ಯ ಡಾ. ರಾಜೇಶ್ ಕೆ. ರಾವ್ ಅವರಿಗೆ ‘ವರ್ಷದ ಕಾರ್ಡಿಯೋಥೊರಾಸಿಕ್ ಸರ್ಜನ್-2026’ ಪ್ರಶಸ್ತಿ!

H.Mallikarjun
H.Mallikarjun - Kalyanasiri
2 Min Read
ಜಾಹೀರಾತು
 

 Dr. Rajesh K. Rao, a doctor who is the pride of Gangavathi, receives the ‘Cardiothoracic Surgeon of the Year 2026’ award!

 

 

ಗಂಗಾವತಿಯ ಹೆಮ್ಮೆಯ ವೈದ್ಯ ಡಾ. ರಾಜೇಶ್ ಕೆ. ರಾವ್ ಅವರಿಗೆ ‘ವರ್ಷದ ಕಾರ್ಡಿಯೋಥೊರಾಸಿಕ್ ಸರ್ಜನ್-2026’ ಪ್ರಶಸ್ತಿ!

ನ್ಯೂ ಡೆಲ್ಲಿ:  ಆರೋಗ್ಯ ಸೇವಾ ಕ್ಷೇತ್ರದಲ್ಲಿ ಮಹತ್ವದ ಸಾಧನೆ ಮಾಡಿರುವ ಖ್ಯಾತ ಹೃದಯ ಮತ್ತು ಎದೆ ಶಸ್ತ್ರಚಿಕಿತ್ಸಾ ತಜ್ಞ ಡಾ. ರಾಜೇಶ್ ಕೆ. ರಾವ್ ಅವರಿಗೆ 2026ನೇ ಸಾಲಿನ ಕಾರ್ಡಿಯೋಥೊರಾಸಿಕ್ ಸರ್ಜನ್ ಆಫ್ ದಿ ಇಯರ್ (ಸೌತ್) ಪ್ರಶಸ್ತಿ ಲಭಿಸಿದೆ.

ಜಾಹೀರಾತು
ಜಾಹೀರಾತು

ನವದೆಹಲಿಯಲ್ಲಿ ನಡೆದ 2ನೇ ಆವೃತ್ತಿಯ ಕಾರ್ಡಿಯಾಕ್ ಎಕ್ಸಲೆನ್ಸ್ ಅವಾರ್ಡ್ಸ್-2026 ಸಮಾರಂಭದಲ್ಲಿ VOICE OF HEALTH CARE ಸಂಸ್ಥೆಯು ಈ ಪ್ರತಿಷ್ಠಿತ ಪ್ರಶಸ್ತಿಯನ್ನು ನೀಡಿ ಗೌರವಿಸಿದೆ.

ಹೃದಯ ಶಸ್ತ್ರಚಿಕಿತ್ಸಾ ಕ್ಷೇತ್ರದಲ್ಲಿ ಸಲ್ಲಿಸಿರುವ ಸೇವೆ, ವೈದ್ಯಕೀಯ ಪರಿಣತಿ ಹಾಗೂ ಆರೋಗ್ಯ ಸೇವೆಗೆ ನೀಡಿರುವ ಕೊಡುಗೆಯನ್ನು ಗುರುತಿಸಿ ಈ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ.

 

 

 


ಬೆಂಗಳೂರು:. ದಕ್ಷಿಣ ಭಾರತದಲ್ಲಿ ಹೃದಯ ಶಸ್ತ್ರಚಿಕಿತ್ಸಾ ಕ್ಷೇತ್ರದಲ್ಲಿ ಮಹತ್ವದ ಸಾಧನೆ ಮಾಡಿರುವ ಗಂಗಾವತಿ ಮೂಲದ ಖ್ಯಾತ ವೈದ್ಯ ಡಾ. ರಾಜೇಶ್ ಕೆ. ರಾವ್ ಅವರಿಗೆ 2026ನೇ ಸಾಲಿನ ವರ್ಷದ ಕಾರ್ಡಿಯೋಥೊರಾಸಿಕ್ ಸರ್ಜನ್ (ದಕ್ಷಿಣ ಭಾರತ) ಪ್ರಶಸ್ತಿ ಲಭಿಸಿರುವುದು ಹೆಮ್ಮೆಯ ಸಂಗತಿಯಾಗಿದೆ.
VOH (Voice of Healthcare) ಆಯೋಜಿಸಿದ 2ನೇ ಆವೃತ್ತಿಯ ಕಾರ್ಡಿಯಾಕ್ ಎಕ್ಸಲೆನ್ಸ್ ಅವಾರ್ಡ್ಸ್–2026ರಲ್ಲಿ ಈ ಗೌರವ ಪ್ರದಾನ ಮಾಡಲಾಗಿದೆ. ರಾಷ್ಟ್ರೀಯ ಹೃದಯರಕ್ತನಾಳದ ಶೃಂಗಸಭೆಯ ಭಾಗವಾಗಿ ನಡೆದ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಹೃದಯ ಆರೋಗ್ಯ ಕ್ಷೇತ್ರದ ಸಾಧನೆ, ವೈದ್ಯಕೀಯ ಪ್ರಗತಿ ಹಾಗೂ ವೈದ್ಯಕೀಯ ನಾಯಕತ್ವವನ್ನು ಗುರುತಿಸಿ ಗೌರವಿಸಲಾಗಿದೆ.

ಗ್ರಾಮೀಣ ಹಿನ್ನೆಲೆಯಿಂದ ರಾಷ್ಟ್ರೀಯ ಸಾಧನೆಯವರೆಗೆ

ಡಾ. ರಾಜೇಶ್ ಕಿಶನ್ ರಾವ್ ಅವರು ಕೊಪ್ಪಳ ಜಿಲ್ಲೆಯ ಯಲಬುರ್ಗಾ ತಾಲೂಕಿನ ಗ್ರಾಮೀಣ ಪರಿಸರದಲ್ಲಿ ಬೆಳೆದವರು. ಪ್ರಸ್ತುತ ಬೆಂಗಳೂರಿನ ಶ್ರೀ ಜಯದೇವ ಹೃದ್ರೋಗ ವಿಜ್ಞಾನ ಮತ್ತು ಸಂಶೋಧನಾ ಸಂಸ್ಥೆಯಲ್ಲಿ ಕಾರ್ಡಿಯೋಥೊರಾಸಿಕ್ ಸರ್ಜರಿ ವಿಭಾಗದ ಪ್ರಾಧ್ಯಾಪಕ ಹಾಗೂ ಘಟಕ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.
ಅವರ ವೈದ್ಯಕೀಯ ಸಾಧನೆಗಳಲ್ಲಿ ಕೀ-ಹೋಲ್ ಹೃದಯ ಶಸ್ತ್ರಚಿಕಿತ್ಸೆ ವಿಶೇಷ ಸ್ಥಾನ ಪಡೆದಿದೆ. 2025ರ ಜುಲೈನಲ್ಲಿ ಪ್ರಕಟವಾದ ಇಂಡಿಯನ್ ಎಕ್ಸ್‌ಪ್ರೆಸ್ ವರದಿಯ ಪ್ರಕಾರ, ಅವರು 600ಕ್ಕೂ ಹೆಚ್ಚು ಕನಿಷ್ಠ ಛೇದನದ ಹೃದಯ ಶಸ್ತ್ರಚಿಕಿತ್ಸೆ ಸೇರಿದಂತೆ 3,000ಕ್ಕೂ ಹೆಚ್ಚು ಹೃದಯ ಶಸ್ತ್ರಚಿಕಿತ್ಸೆಗಳನ್ನು ನಡೆಸಿದ್ದರು. ಬಡ ರೋಗಿಗಳಿಗೆ ಉಚಿತವಾಗಿ ಅಥವಾ ಸರ್ಕಾರಿ ಯೋಜನೆಗಳ ನೆರವಿನಿಂದ ಚಿಕಿತ್ಸೆ ಒದಗಿಸುವಲ್ಲಿಯೂ ಅವರು ಗಮನಾರ್ಹ ಸೇವೆ ಸಲ್ಲಿಸಿದ್ದಾರೆ.
ಗಂಗಾವತಿ ಭಾಗದಲ್ಲಿಯೂ ಉಚಿತ ಆರೋಗ್ಯ ತಪಾಸಣಾ ಶಿಬಿರಗಳನ್ನು ನಡೆಸಿ ಗ್ರಾಮೀಣ ಜನರಿಗೆ ಹೃದಯ ಆರೋಗ್ಯದ ಬಗ್ಗೆ ಜಾಗೃತಿ ಮೂಡಿಸುತ್ತಿರುವುದು ಅವರ ಜನಪರ ಸೇವೆಗೆ ಸಾಕ್ಷಿಯಾಗಿದೆ.
ಇತ್ತೀಚೆಗೆ ಜಯದೇವ ಆಸ್ಪತ್ರೆಯಲ್ಲಿ 800ನೇ ಕೀ-ಹೋಲ್ ಹೃದಯ ಶಸ್ತ್ರಚಿಕಿತ್ಸೆ ಸಾಧನೆಯ ಕುರಿತು ಕಲ್ಯಾಣಸಿರಿ ವೆಬ್ ನ್ಯೂಸ್ ಕೂಡ ವರದಿ ಪ್ರಕಟಿಸಿತ್ತು.
ಈಗ VOHನ ರಾಷ್ಟ್ರೀಯ ಮಟ್ಟದ ಪ್ರಶಸ್ತಿಯ ಗೌರವ ಅವರ ವೈದ್ಯಕೀಯ ಸೇವಾ ಪಯಣಕ್ಕೆ ಮತ್ತೊಂದು ಗರಿ ಮೂಡಿಸಿದೆ. ಗಂಗಾವತಿ ಹಾಗೂ ಕೊಪ್ಪಳ ಜಿಲ್ಲೆಯ ಜನತೆಗೆ ಇದು ಹೆಮ್ಮೆಯ ವಿಷಯವಾಗಿದೆ.
ಕಲ್ಯಾಣಸಿರಿ ವೆಬ್ ನ್ಯೂಸ್ ವತಿಯಿಂದ ಡಾ. ರಾಜೇಶ್ ಕೆ. ರಾವ್ ಅವರಿಗೆ ಹೃತ್ಪೂರ್ವಕ ಅಭಿನಂದನೆಗಳು.

ಸಂಪಾದಕರು

ಕಲ್ಯಾಣಸಿರಿ ಕನ್ನಡ ದಿನಪತ್ರಿಕೆ ಹಾಗೂ ವೆಬ್ ನ್ಯೂಸ್, ಗಂಗಾವತಿ ವತಿಯಿಂದ ಡಾ. ರಾಜೇಶ್ ಕೆ. ರಾವ್ ಅವರಿಗೆ ಹೃತ್ಪೂರ್ವಕ ಅಭಿನಂದನೆಗಳು.

 

Total Views: 1
Share This Article
Leave a Comment