ಶರಾವತಿ ನದಿ ಪ್ರಾಜೆಕ್ಟ್-ಪರಿಸರ, ರೈತ ಹಿತ ಸಾಮಾಜಿಕ ಪರಿಣಾಮಗಳ ವಿಶ್ಲೇಷಣೆ

Sharavati River Project-Environmental, farmer welfare social impact analysis

ಗಂಗಾವತಿ: ಕರ್ನಾಟಕ ರಾಜ್ಯದಲ್ಲಿ ಶರಾವತಿ ನದಿ ಪ್ರದೇಶದಲ್ಲಿ ಕೈಗೊಳ್ಳಲು ಯೋಜಿಸಿರುವ ಪ್ರಾಜೆಕ್ಟ್, ತಕ್ಷಣ ಆರ್ಥಿಕ ಲಾಭವನ್ನು ಒದಗಿಸಬಹುದು. ಆದರೆ ದೀರ್ಘಕಾಲಿನ ಹಾನಿಗಳನ್ನು ಉಂಟುಮಾಡುವ ಸಾಧ್ಯತೆಯನ್ನು ಸಮರ್ಥವಾಗಿ ಗಮನಿಸಬೇಕಾಗಿದೆ.

ಜಾಹೀರಾತು

ಪತ್ರಕರ್ತರು ಮತ್ತು ಸಾರ್ವಜನಿಕರು ಈ ವಿಷಯವನ್ನು ಸಂಪೂರ್ಣವಾಗಿ ಅರಿತು, ವೈಜ್ಞಾನಿಕ ಹಾಗೂ ಸತ್ಯಾಧಾರಿತ ವರದಿ ನೀಡುವುದು ಅತ್ಯಂತ ಮುಖ್ಯವಾಗಿದೆ ಎಂದು ಭಾರತೀಯ ಕ್ರಾಂತಿಕಾರಿ ಕಿಸಾನ್ ಸೇನೆ ಸಂಘಟನೆಯ ಕೊಪ್ಪಳ ಜಿಲ್ಲಾಧ್ಯಕ್ಷರಾದ ದೊಡ್ಡ ಭರಮಣ್ಣ ತಿಳಿಸಿದರು.
ಅವರು ಸೆಪ್ಟೆಂಬರ್-೨೬ ರಂದು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದರು.

ಈ ಶರಾವತಿ ಪ್ರಾಜೆಕ್ಟ್ ವಿರೋಧಕ್ಕೆ ಕಿಸಾನ್ ಸೇನೆ ಕಣಕ್ಕಿಳಿಯಲು ಸಜ್ಜಾಗಿದ್ದು, ಪರಿಸರದ ಹಾನಿ, ರೈತರ ಜೀವನೋಪಾಯಕ್ಕೆ ಧಕ್ಕೆಯುಂಟಾಗುವ ಆತಂಕವಿದ್ದು, ಭಾರತೀಯ ಕ್ರಾಂತಿಕಾರಿ ಕಿಸಾನ್ ಸೇನೆ ದೆಹಲಿ ಸಂಘಟನೆಯಿಂದ ಹೋರಾಟದ ಎಚ್ಚರಿಕೆ ನೀಡಿದೆ ಎಂದರು.
ಕೊಪ್ಪಳದಲ್ಲಿ ಕರ್ನಾಟಕ ಪವರ್ ಕಾರ್ಪೊರೇಷನ್ ಲಿಮಿಟೆಡ್ (KPCL) ಪ್ರಸ್ತಾಪಿಸಿರುವ ೨೦೦೦ ಮೆಗಾವಾಟ್ ಸಾಮರ್ಥ್ಯದ ಶರಾವತಿ ಪಂಪ್ಸ್ ಸ್ಟೋರೇಜ್ ಪ್ರಾಜೆಕ್ಟ್ ಈಗ ರಾಜ್ಯದ ಅತಿ ದೊಡ್ಡ ಚರ್ಚೆಯ ವಿಷಯವಾಗಿದೆ. ವಿದ್ಯುತ್ ಉತ್ಪಾದನೆಗಾಗಿ ಕೈಗೆತ್ತಿಕೊಳ್ಳಲಾಗುತ್ತಿರುವ ಈ ಯೋಜನೆ ಪಶ್ಚಿಮಘಟ್ಟದ ಅತಿ ಸಂವೇದನಶೀಲ ಪರಿಸರ ಪ್ರದೇಶದಲ್ಲಿ ಜಾರಿಗೊಳ್ಳುತ್ತಿದ್ದು, ಇದರಿಂದ ಜೀವವೈವಿಧ್ಯತೆ, ಕಾಡು ಪ್ರದೇಶ ಮತ್ತು ಸ್ಥಳೀಯರ ಜೀವನೋಪಾಯಕ್ಕೆ ತೀವ್ರ ಅಪಾಯವಿದೆ ಎಂಬ ಆತಂಕವನ್ನು ಪರಿಸರ ತಜ್ಞರು ಮತ್ತು ರೈತ ಸಂಘಟನೆಗಳು ವ್ಯಕ್ತಪಡಿಸಿವೆ.
ಈ ಪ್ರಾಜೆಕ್ಟ್ಗಾಗಿ ಸುಮಾರು ೫೪ ಹೆಕ್ಟೇರ್ ಕಾಡುಭೂಮಿ ಬಳಕೆಯಾಗುವ ಸಾಧ್ಯತೆ ಇದೆ. ಇದು ಸಿಂಹವಾಲು ಕೋತಿ (Lion Tailed Monkey)
ಹಾವಳಿ ಪ್ರದೇಶವಾಗಿದ್ದು, ವನ್ಯಜೀವಿ ವಾಸಸ್ಥಳಕ್ಕೆ ದೊಡ್ಡ ಹೊಡೆತ ಬೀಳುವ ಸಾಧ್ಯತೆ ಇದೆ. ಭೂಕುಸಿತದ ಅಪಾಯ, ಭೂಗರ್ಭದಲ್ಲಿ ದೊಡ್ಡ ಟನೆಲ್‌ಗಳ ನಿರ್ಮಾಣ ಹಾಗೂ ನೀರಿನ ಹರಿವಿನ ಬದಲಾವಣೆಗಳಿಂದ ಪರಿಸರ ಸಮತೋಲನ ಹಾಳಾಗಬಹುದು ಎಂದು ತಜ್ಞರು ಎಚ್ಚರಿಸಿದ್ದಾರೆ.
ಈ ಯೋಜನೆಯ ಕುರಿತ ಸಾರ್ವಜನಿಕ ವಿಚಾರಣೆಗೆ ಶಿವಮೊಗ್ಗ ಹಾಗೂ ಗೆರಸೊಪ್ಪ ಪ್ರದೇಶದಲ್ಲಿ ಸಾವಿರಾರು ಜನ ಹಾಜರಾಗಿದ್ದು, ಅಲ್ಲಿನ ಸ್ಥಳೀಯರು, “ನಮ್ಮ ಮನೆಮಠ, ಜಮೀನು, ಕಾಡು ಎಲ್ಲದರ ಮೇಲೂ ಈ ಯೋಜನೆ ಹಾನಿ ಉಂಟುಮಾಡುತ್ತದೆ. ವಿದ್ಯುತ್ ಉತ್ಪಾದನೆ ಮುಖ್ಯವಾದರೂ ಅದು ಜನರ ಬದುಕು ಹಾಳು ಮಾಡುವ ಬೆಲೆಯಲ್ಲಿ ಬರಬಾರದು” ಎಂದು ತಿಳಿಸಿದ್ದಾರೆ.
ಪರಿಸರ ಹೋರಾಟಗಾರರು ಈ ಯೋಜನೆ ಪಶ್ಚಿಮಘಟ್ಟದ ಪರಿಸರ ಸಮತೋಲನವನ್ನು ಸಂಪೂರ್ಣವಾಗಿ ಹಾಳು ಮಾಡುವ ಅಪಾಯವಿದೆ ಎಂದು ಆರೋಪಿಸಿದ್ದಾರೆ. ಅವರು, “ಸರ್ಕಾರ ಹಸಿರು ಅಭಿವೃದ್ಧಿ, ಪರಿಸರ ರಕ್ಷಣೆಯ ಮಾತಾಡುತ್ತಾ, ಇನ್ನೊಂದೆಡೆ ಇಂತಹ ಯೋಜನೆಗಳನ್ನು ಬೆಂಬಲಿಸುವ ಮೂಲಕ ದ್ವಂದ್ವ ನೀತಿ” ಅನುಸರಿಸುತ್ತಿದೆ ಎಂದು ವಾಗ್ದಾಳಿ ನಡೆಸಿದ್ದಾರೆ.
ಈ ಮಧ್ಯೆ, ಭಾರತೀಯ ಕ್ರಾಂತಿಕಾರಿ ಕಿಸಾನ್ ಸೇನೆ ದೆಹಲಿ ಸಂಘಟನೆ ಸರ್ಕಾರಕ್ಕೆ ಎಚ್ಚರಿಕೆ ನೀಡಿದೆ. “ಜನರ ಧ್ವನಿಯನ್ನು ಲೆಕ್ಕಿಸದೇ ಸರ್ಕಾರ ಪ್ರಾಜೆಕ್ಟ್ ಮುಂದುವರಿಸಿದರೆ, ನಾವು ರೈತರನ್ನು ಬೀದಿಗಿಳಿಸಿ ಉಗ್ರ ಹೋರಾಟ ನಡೆಸುತ್ತೇವೆ. ಈ ಹೋರಾಟ ಕೇವಲ ಶರಾವತಿ ಪ್ರಾಜೆಕ್ಟ್ ವಿರುದ್ಧವಲ್ಲ, ಪರಿಸರ ನಾಶದ ವಿರುದ್ಧವೂ ಆಗಿರುತ್ತದೆ” ಎಂದು ಕಿಸಾನ್ ಸೇನೆಯ ಎಚ್ಚರಿಸಿದೆ ಎಂದರು.
ಈ ಯೋಜನೆಗೆ ರಾಷ್ಟಿçÃಯ ವನ್ಯಜೀವಿ ಮಂಡಳಿಯಿAದ ಪ್ರಾಥಮಿಕ ಅನುಮತಿ ಇದ್ದರೂ, ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಸಚಿವಾಲಯ (ಒoಇಈಅಅ) ಇನ್ನೂ ಅಂತಿಮ ಅನುಮತಿ ನೀಡಿಲ್ಲ. ತಜ್ಞರು ಹಾಗೂ ಸಂಘಟನೆಗಳು ಅಂತಿಮ ನಿರ್ಧಾರ ಕೈಗೊಳ್ಳುವ ಮೊದಲು ಜನರ ಅಭಿಪ್ರಾಯ ಹಾಗೂ ತಜ್ಞರ ವರದಿಗಳನ್ನು ಗಂಭೀರವಾಗಿ ಪರಿಗಣಿಸಬೇಕು ಎಂದು ಒತ್ತಾಯಿಸುತ್ತಿವೆ ಎಂದು ಈ ಪತ್ರಿಕಾಗೋಷ್ಠಿ ಮೂಲಕ ಆಗ್ರಹಿಸಿದ್ಧಾರೆ.
ಈ ಸಂದರ್ಭದಲ್ಲಿ ಭಾರತೀಯ ಕ್ರಾಂತಿಕಾರಿ ಕಿಸಾನ್ ಸೇನೆ ಸಂಘಟನೆಯ ಕೊಪ್ಪಳ ಜಿಲ್ಲಾ ಗೌರವಾಧ್ಯಕ್ಷರಾದ ದೇವಪ್ಪ ಹಳ್ಳಿಗುಡಿ, ಜಿಲ್ಲಾ ಉಪಾಧ್ಯಕ್ಷರಾದ ಹನುಮಂತಪ್ಪ ಬೇವೂರು, ಮಹಿಳಾ ಘಟಕದ ಜಿಲ್ಲಾ ಉಪಾಧ್ಯಕ್ಷರಾದ ಶರಣಮ್ಮ ಡಣಾಪುರ, ಗಂಗಾವತಿ ತಾಲೂಕ ಅಧ್ಯಕ್ಷರಾದ ವೀರಣ್ಣ ನಾಗಲೀಕರ್, ಪದಾಧಿಕಾರಿಗಳಾದ ಜಂಬಣ್ಣ ಗಂಗಾವತಿ, ರುದ್ರೇಶ, ಸತೀಶ ಹೆಬ್ಬಾಳ, ನಿಂಗರಾಜ ಹೇರೂರು, ತಾಯಪ್ಪ ಹಗ್ಗದ ಸೇರಿದಂತೆ ಮತ್ತಿತರರು ಭಾಗವಹಿಸಿದ್ದರು.