Breaking News

ರಾಷ್ಟ್ರಪತಿ ಪದಕ ವಿಜೇತ ಡಿವೈಎಸ್ಪಿ ಸಿದ್ದಲಿಂಗಪ್ಪ ಗೌಡರಿಗೆ ಯೋಗ ಸಂಸ್ಥೆಗಳಿಂದ ಗೌರವ

President's Medal winner DySP Siddalingappa Gowda honored by yoga organizations

Screenshot 2025 09 15 19 35 14 03 6012fa4d4ddec268fc5c7112cbb265e74786109831003961784

ಗಂಗಾವತಿ ಸೆಪ್ಟೆಂಬರ್ ೧೪, ೨೦೨೫: “ಪೊಲೀಸ್ ಇಲಾಖೆಯಂಥ ಕಷ್ಟದ ಕೆಲಸದಲ್ಲಿ ಪ್ರಾಮಾಣಿಕತೆ ಮತ್ತು ದಕ್ಷತೆ ಬಹಳ ಮುಖ್ಯ. ಅಂತಹ ಇಲಾಖೆಯಲ್ಲಿ ಸೇವೆ ಸಲ್ಲಿಸಿ ರಾಷ್ಟ್ರಪ್ರಶಸ್ತಿ ತಂದ ಡಿವೈಎಸ್ಪಿರನ್ನು ಗೌರವಿಸುವುದು ಕರ್ತವ್ಯ. ಅವರ ಕರ್ತವ್ಯ ನಿಷ್ಠೆ ಮೆಚ್ಚುವಂತಹದು. ಮುಂದಿನ ದಿನಗಳಲ್ಲಿ ಡಿವೈಎಸ್ಪಿರಿಗೆ ಇನ್ನೂ ಉನ್ನತ ಪ್ರಶಸ್ತಿಗಳು ಮತ್ತು ಇಲಾಖೆಯಲ್ಲಿ ಮುಂಬಡ್ತಿ ಮನ್ನಣೆ ದೊರಕಲಿ ಎಂದು ಗಂಗಾವತಿಯ ನಿಕಟಪೂರ್ವ ಶಾಸಕರಾದ ಪರಣ್ಣ ಮುನವಳ್ಳಿ ಸನ್ಮಾನಿಸಿ ಶುಭಾಶಯಗಳನ್ನು ತಿಳಿಸಿದರು.

ಜಾಹೀರಾತು

ರಾಷ್ಟ್ರಪತಿ ಪದಕ ಪಡೆದ ದಕ್ಷ ಪೊಲೀಸ್ ಅಧಿಕಾರಿ ಮತ್ತು ಗಂಗಾವತಿ ಉಪವಿಭಾಗದ ಡಿವೈಎಸ್ಪಿ ಸಿದ್ದಲಿಂಗಪ್ಪ ಗೌಡ ಪಾಟೀಲ್ ಅವರನ್ನು ಸನ್ಮಾನಿಸುವ ಗೌರವ ಸಮಾರಂಭವನ್ನು ‘ಆರ್ಟ್ ಆಫ್ ಲಿವಿಂಗ್’, ‘ಪತಂಜಲಿ ಯೋಗ ಸಮಿತಿ’, ‘ಸರ್ವ ಯೋಗ ಧ್ಯಾನ ಹಾಗೂ ಆಧ್ಯಾತ್ಮಿಕ ಬಳಗ’ ಸೇರಿದಂತೆ ಸ್ಥಳೀಯ ಯೋಗ ಸಂಸ್ಥೆಗಳು ರವಿವಾರ ಸೆಪ್ಟೆಂಬರ್ ೧೪ರಂದು ಶ್ರೀ ಚೆನ್ನಬಸವೇಶ್ವರ ಸ್ವಾಮಿ ದೇವಸ್ಥಾನದ ಆವರಣದಲ್ಲಿ ಜಂಟಿಯಾಗಿ ಆಯೋಜಿಸಿದ್ದವು.

ಸನ್ಮಾನಿತರಾಗಿ ಮಾತನಾಡಿದ ಡಿವೈಎಸ್ಪಿ ಸಿದ್ದಲಿಂಗಪ್ಪ ಗೌಡ ಪಾಟೀಲ , “ನಮ್ಮ ಕರ್ತವ್ಯ ನಿರ್ವಹಿಸಲು ಸಾರ್ವಜನಿಕರು, ಸಂಘಸಂಸ್ಥೆಗಳು ಮತ್ತು ಇಲಾಖೆಯ ಸಿಬ್ಬಂದಿಯ ಸಹಕಾರ ಪ್ರಮುಖವಾದುದು. ಈ ಪ್ರಶಸ್ತಿ ನನಗೆ ಮಾತ್ರವಲ್ಲ, ನನ್ನೊಂದಿಗೆ ಕೆಲಸ ಮಾಡುವ ಎಲ್ಲರಿಗೂ ಸಲ್ಲುತ್ತದೆ. ಇದು ಮತ್ತಷ್ಟು ಸೇವೆ ಸಲ್ಲಿಸಲು ನಮಗೆ ಒಂದು ಪ್ರೇರಣೆ. ಕಾನೂನು ಸುವ್ಯವಸ್ಥೆ ಮತ್ತು ಶಾಂತಿಯನ್ನು ಕಾಪಾಡಿ, ನಮ್ಮೂರಲ್ಲಿ ಸೌಹಾರ್ದತೆಯಿಂದ ಬಾಳಬೇಕು,” ಎಂದು ಕರ್ತವ್ಯಭಾವನೆಯನ್ನು ವ್ಯಕ್ತಪಡಿಸಿದರು.
ನಂತರ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ ಯೋಗ ಗುರು ಸತ್ಯಂ ಅವರು ಮಾತನಾಡುತ್ತ ಯಾವುದೇ ಸಾಧಕ ವ್ಯಕ್ತಿಯನ್ನು ಗುರುತಿಸುವುದು ಮಹತ್ವದ್ದು,” ಆ ಕೆಲಸ ಇಂದು ಆಗಿದೆ ಎಂದು ಅಧ್ಯಕ್ಷೀಯ ಭಾಷಣದಲ್ಲಿ ಹೇಳಿದರು.

ಮುಖಂಡ ರಘುನಾಥ್ ಪವಾರ್ ಮಾತನಾಡುತ್ತಾ, “ಯೋಗ ಸಂಸ್ಥೆಗಳು ತಮ್ಮ ಕರ್ತವ್ಯ ನಿರ್ವಹಿಸುವುದರ ಜೊತೆಗೆ, ಸಾಮಾಜಿಕ ಕಳಕಳಿ ಹೊಂದಿರುವ ಅಧಿಕಾರಿಗಳನ್ನು ಮತ್ತು ಸಾಧಕರನ್ನು ಗುರುತಿಸುವ ಕಾರ್ಯವನ್ನು ನಿರಂತರವಾಗಿ ಮಾಡುತ್ತಿವೆ. ಇಂದು ಡಿವೈಎಸ್ಪಿ ಅವರನ್ನು ಗೌರವಿಸುವುದು ನಮಗೆ ಸಂತಸ ತಂದಿದೆ,” ಎಂದರು.

ಕಾರ್ಯಕ್ರಮದಲ್ಲಿ ಸಾಹಿತಿ ಎಸ್.ವಿ. ಪಾಟೀಲ್ ಗುಂಡೂರು , ಚಂದ್ರೇಗೌಡ್ರು , ಮಹೇಶ್ ಬಾಬು, ಪ್ರಭುದೇವ್ ಹುರಕಡ್ಲಿ, ಮಲ್ಲಿಕಾರ್ಜುನ ನೂಲ್ವಿ, ಪ್ರಭುರಾಜ್ ಗಿರಿಜಾ ಶಂಕರ, ಸ್ಫೂರ್ತಿ ಕಾಲೇಜಿನ ಶಾಮೋಲ್, ಏ.ಕೆ. ಮಹೇಶ್ ಕುಮಾರ್ ಮುಂತಾದವರು ಉಪಸ್ಥಿತಿದ್ದರು. ಶಿಕ್ಷಕ ಶ್ರೀನಿವಾಸ ಅಂಗಡಿ ಕಾರ್ಯಕ್ರಮವನ್ನು ನಿರೂಪಿಸಿದರು. ಗಾಯಕ ಸದಾನಂದ ಸೇಟ್ ಪ್ರಾರ್ಥನೆ ಮತ್ತು ಶಿಕ್ಷಕ ಶಿವಾನಂದ ತಿಮ್ಮಾಪುರ ವಂದನಾರ್ಪಣೆ ಸಲ್ಲಿಸಿದರು. ಲಲಿತಾ ವಗ್ಗ, ಲಕ್ಷ್ಮೀದೇವಿ ಗುಡ್ಲಾನೂರು, ಚೆನ್ನಪ್ಪ ಜವಳಿ, ಮಂಜುನಾಥ್ ಗುಡ್ಲಾನೂರ, ಗಣೇಶ್ ಕುಮಾರ ಸೇರಿದಂತೆ ಅನೇಕ ಯೋಗಪಟುಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.

About Mallikarjun

Check Also

screenshot 2025 11 26 19 05 13 35 e307a3f9df9f380ebaf106e1dc980bb6.jpg

ಗ್ಯಾರಂಟಿ ಯೋಜನೆಗಳು ಕಡುಬಡವರ ಬೆಳಕು: ವೀರಬಸಯ್ಯ ಕಾಡಗಿಮಠ

ಗ್ಯಾರಂಟಿ ಯೋಜನೆಗಳು ಕಡುಬಡವರ ಬೆಳಕು: ವೀರಬಸಯ್ಯ ಕಾಡಗಿಮಠ Guarantee schemes are a light for the poorest of …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.