ಮೂರು ದಿನಗಳ ಕಾತರಕಿ ದ್ಯಾಮವ್ವದೇವಿ ಅದ್ಧೂರಿ ಜಾತ್ರೆಗೆ ತೆರೆ ಜಾತ್ರೆಗಳು ಮನಸ್ಸಿನ ಅಂದಕಾರ, ಅಹಂಕಾರವನ್ನು ತೊಳೆದು ಒಗ್ಗಟ್ಟಿನ ಸಂದೇಶ ನೀಡುತ್ತವೆ : ಶ್ರೀಗಳು

ಮೂರು ದಿನಗಳ ಕಾತರಕಿ ದ್ಯಾಮವ್ವದೇವಿ ಅದ್ಧೂರಿ ಜಾತ್ರೆಗೆ ತೆರೆ
ಜಾತ್ರೆಗಳು ಮನಸ್ಸಿನ ಅಂದಕಾರ, ಅಹಂಕಾರವನ್ನು ತೊಳೆದು ಒಗ್ಗಟ್ಟಿನ ಸಂದೇಶ ನೀಡುತ್ತವೆ : ಶ್ರೀಗಳು

ಜಾಹೀರಾತು

Three-day Kataraki Dhyamvvadevi grand fair opens
Fairs wash away the beauty and ego of the mind and give a message of unity: Sri

ಕೊಪ್ಪಳ : ಜಾತ್ರೆಗಳು ಮನಸ್ಸಿನ ಅಂದಕಾರ, ಅಹಂಕಾರವನ್ನು ತೊಳೆದು ನಾಡಿಗೆ ಒಗ್ಗಟ್ಟಿನ ಸಂದೇಶ ನೀಡುವ ಕಾರ್ಯಕ್ರಮಗಳಾಗಿವೆ, ಕಾತರಕಿ ಗ್ರಾಮದವರು ಸದಾ ದುಡಿಮೆಯಲ್ಲಿ ಯಾವಾಗಲೂ ಕ್ರೀಯಾಶೀಲರಾಗಿ ಕೆಲಸ ಮಾಡುತ್ತಾರೆ. ಇಲ್ಲಿಯ ಹಿರಿಯ ವ್ಯಕ್ತಿಗಳು ಬಸವಣ್ಣನ ಅನುಭಾವಿಕ ಚಿಂತನೆಗಳನ್ನು ಅಳವಡಿಸಿಕೊಂಡಿದ್ದಾರೆ ಎಂದು ಹಡಗಲಿ ಗವಿಮಠದ ಶಾಖಾ ಮಠದ ಡಾ. ಹಿರಿಶಾಂತವೀರ ಮಹಾಸ್ವಾಮೀಜಿಗಳು ಹೇಳಿದರು.
ತಾಲೂಕಿನ ಕಾತರಕಿ ಗ್ರಾಮದಲ್ಲಿ ಗ್ರಾಮದೇವತೆ ದ್ಯಾಮವ್ವದೇವಿಯ ಜಾತ್ರಾ ಮಹೋತ್ಸವದ ಪ್ರಯುಕ್ತ ಮಂಗಳವಾರ ಜರುಗಿದ ಸಮಾರೂಪ, ಸನ್ಮಾನ ಸಮಾರಂಭದ ಸಾನಿಧ್ಯವಹಿಸಿ ಆಶೀರ್ವಚನ ನೀಡಿದ ಅವರು, ಬಸವಣ್ಣನು ಸರ್ವರ ಮನಃಪರಿವರ್ತನೆ ಮಾಡುವಂತ ಕೆಲಸ ಮಾಡಿದ್ದಾನೆ. ಅವರ ಚಿಂತನೆಗಳನ್ನು ಪ್ರತಿಯೊಬ್ಬರೂ ಅನುಸರಿಸಬೇಕು. ಅಂದಾಗ ಇಂತಹ ವೈಭವದ ಕಾರ್ಯಕ್ರಮಗಳನ್ನು ಮಾಡುವ ಜ್ಞಾನ, ಸಾಮರ್ಥ್ಯ ಲಭಿಸುತ್ತದೆ.
ಮಾಂಸ ಪಿಂಡ ಶರೀರ ಹೋಗಿ ಮಂತ್ರ ಪಿಂಡ ಶರೀರವಾಗಬೇಕಾದರೆ ಗುರುಗಳ ಸ್ಮರಣೆ ಮಾಡಬೇಕು. ಎಲ್ಲರಲ್ಲೂ ಪ್ರಸನ್ನತೆಯ ಗುಣ ಕಂಡಕೊಳ್ಳಲು ಭಕ್ತಿಯ ಭಾವ ಸಿಗುತ್ತದೆ. ಈ ದೃಷ್ಡಿಯಿಂದ ಸಾಮರಸ್ಯದ ಜಾತ್ರೆಯಾಗಬೇಕು. ಇದು ಆದರ್ಶಮಯವಾದ ಜಾತ್ರೆ. ನಾವು ಮಾಡುವ ಕಾರ್ಯಗಳು ಜನಪ್ರಿಯಗಿಂತ ಮನಪ್ರೀಯತೆಯಾಗಿರಬೇಕು. ಈ ಧಾರ್ಮಿಕ ಭಾವನೆ ಎಲ್ಲರನ್ನು ಒಗ್ಗೂಡಿಸುವ ಕೆಲಸ ಮಾಡುತ್ತಿದೆ. ಎಲ್ಲಾ ಮಕ್ಕಳಿಗೆ ಶಿಕ್ಷಣ ಹಾಗೂ ನೈತಿಕ ಮೌಲ್ಯಗಳನ್ನು ನೀಡಬೇಕಾಗಿದೆ. ಈ ವೇಳೆ ವೃದ್ದರನ್ನು ಸತ್ಕರಿಸಿರುವ ಸಾಮಾಜಿಕ ಬದುಕಿನ ಭಾವನೆ ಶ್ರೇಷ್ಟವಾದುದು. ಇದು ಮುಂದಿನ ಯುವ ಪೀಳಿಗೆ ಮಾರ್ಗದರ್ಶನವಿದ್ದಂತೆ. ಮೊದಲು ಮನೆಯ ಶಿಕ್ಷಣವನ್ನು ಪ್ರೀತಿಸಬೇಕು. ಇಂದು ಅವಿಭಕ್ತ ಕುಟುಂಬಗಳ ಸಂಖ್ಯೆ ಕ್ಷೀಣಿಸುತ್ತಿದೆ ಹೀಗಾಗಿ ಕೂಡುವಿಕೆಗೆ ಪ್ರೇರಣೆ ನೀಡಬೇಕು ಎಂದರು.
ಮೈನಹಳ್ಳಿ ಬಿಕÀನಹಳ್ಳಿ ಶ್ರೀ ಸಿದ್ದೇಶ್ವರ ಸ್ವಾಮೀಜಿಗಳು ಮಾತನಾಡಿ, ಮೂರು ದಿನಗಳ ಕಾಲ ಶ್ರಧ್ದಾ ಭಕ್ತಿಯಿಂದ ಕಾರ್ಯಕ್ರಮ ಜರುಗಿದೆ. ಪ್ರೀತಿ, ಪ್ರೇಮ ಹಾಗೂ ವೈಭವದ ಜಾತ್ರೆ ಇದಾಗಿದೆ. ಪ್ರತಿಯೊಬ್ಬರೂ ಕೃಷಿಯಾಧರಿತ ಬದುಕು ಸಾಗಿಸಬೇಕು. ಸಂಸಾರ ಹಾಗೂ ಕೃಷಿ ಕಾಯಕದಲ್ಲಿ ಯಾರೂ ಮೊಬೈಲ್ ಮೂಲಕ ಸಮಯ ನೋಡದೇ ನಿಷ್ಠೆಯ ಕಾಯಕ ಮಾಡಬೇಕು. ಇದರಿಂದ ನಿರೀಕ್ಷೆಗಿಂತ ಹೆಚ್ಚು ಫಲ ದೊರಕುತ್ತದೆ. ಕೃಷಿಯ ಜೊತೆಗೆ ಹೈನುಗಾರಿಕೆ ಎಂಬ ಉಪಕಸುಬು ಮಾಡಬೇಕು. ದೇಶಿಯ ತಳಿಯ ಆಕಳುಗಳನ್ನು ಸಾಕಾಣಿಕೆ ಮಾಡುವುದರಿಂದ ಗುಣಮಟ್ಟದ ಗೊಬ್ಬರ ಹಾಗೂ ಹೆಚ್ಚು ಆದಾಯ ಗಳಿಸಬಹುದು. ಹೀಗಾಗಿ ಮನೆಗೊಂದು ದೇಶಿ ಆಕಳನ್ನು ಸಾಕಿ, ಅದರಿಂದ ಸ್ವಾವಲಂಬಿ ಜೀವನ ನಡೆಸಿ, ರೈತ ಶೂನ್ಯ ಖರ್ಚಿನ ಕೃಷಿ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳಬೇಕು. ರೈತ ಬದುಕಿದರೆ ಜಗತ್ತು ಬದುಕುತ್ತದೆ ಆದರೆ ಇತ್ತಿಚಿನ ದಿನಗಳಲ್ಲಿ ರೈತರ ಬೆನ್ನು ಮುರಿಯುವ ಕೆಲಸವಾಗುತ್ತದೆ ಎಂದರು.
ಗ್ರಾಮದ ಹಿರಿಯರಾದ ಶ್ರೀನಿವಾಸ ಜೋಶಿ, ವಿರುಪಾಕ್ಷಸ್ವಾಮಿ ಹಿರೇಮಠ ಮತ್ತು ವಿರುಪಾಕ್ಷಗೌಡ್ರ ಪಾಟೀಲ್ ಮಾತನಾಡಿ, ಒಡೆದ ಮನಸ್ಸುಗಳನ್ನು ಬೆಸೆಯುವುದೇ ಜಾತ್ರೆಯ ಸಂದೇಶವಾಗಿದೆ. ಹೃದಯ ಸಿರಿವಂತಿಕೆ ಹೊಂದಿರುವ ಇಲ್ಲಿಯ ಹಿರಿಯರು ಅತ್ಯಂತ ವೈಭವದಿಂದ ಜಾತ್ರೆಯನ್ನು ಹಮ್ಮಿಕೊಂಡಿದ್ದಾರೆ. ಪ್ರತಿಯೊಬ್ಬರ ಮನದಲ್ಲಿ ಒಂಭತ್ತು ವರ್ಷಗಳ ಕಾಲ ನೆಲೆ ನಿಂತು ಸರ್ವರನ್ನು ಕಾಪಾಡುವ ತಾಯಿ ಋಣ ತೀರಿಸಲಾಗದು ಎಂದರು.
ಮೆರವಣಿಗೆಯಲ್ಲಿ ಗ್ರಾಮದೇವತೆಯ ಭಾವಚಿತ್ರವನ್ನು ಇಟ್ಟುಕೊಂಡು ಗ್ರಾಮದ ಚೌಕಿ ಕಟ್ಟಿಯಿಂದ ಚಾಲನೆಗೊಂಡು ವಿವಿಧ ವಾಧ್ಯಮೇಳಗಳೊಂದಿಗೆ ಅದ್ದೂರಿಯಾಗಿ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ ದೇವಸ್ಥಾನದ ಆವರಣಕ್ಕೆ ತಲುಪಿತು.

ಈ ವೇಳೆ ನಿವೃತ್ತ ನ್ಯಾಯಾಧೀಶ ಪಿ.ಎಸ್.ಹಿರೇಮಠ, ನಾಗರತ್ನಮ್ಮ ಹಿರೇಮಠ, ಕೊಟ್ರಯ್ಯಸ್ವಾಮಿ ಹಿರೇಮಠ, ವೀರಣ್ಣನವರ ನಂದಣ್ಣವರ, ಶಂಕರಗೌಡ ಹಿರೇಗೌಡ್ರ, ವಿರುಪಾಕ್ಷಗೌಡ ಪಾಟೀಲ್, ವಸಂತ ಮಾದವ ಜೋಶಿ, ಶಿವಮ್ಮ ಬೈರಣ್ಣವರ, ಮಲ್ಲಣ್ಣ ಗುಗ್ರಿ, ಹನುಮಂತಪ್ಪ ಪೂಜಾರ, ವಿನಾಯಕ ಜೋಶಿ, ವಿಶ್ವನಾಥ, ಈಶಪ್ಪ ಹೊಳೆಯಪ್ಪನವರ, ವೆಂಕಣ್ಣ ಚಳ್ಳಾರಿ, ಡಾ. ಸುರೇಶ ಹುರಕಡ್ಲಿ, ಮಲ್ಲಪ್ಪ ಮೇಗಳಮನಿ, ಹುಲಿಗೆಮ್ಮ, ಲಕ್ಷ್ಮಮ್ಮ ಇಡಿಗಲ್, ಶಾಂತಮ್ಮ, ಯಮನಮ್ಮ, ಸುರೇಶ ತಳವಾರ, ಬಸವರಾಜ ಉಳ್ಳಾಗಡ್ಡಿ, ಕೃಷ್ಣಪ್ಪ ಬಟಗೇರಿ, ಜಗದೀಶ ಪೋಲಿಸಪಾಟೀಲ್, ಬಸವರಾಜ ಹುಬ್ಬಳ್ಳಿ, ಯೊಗಾನಂದ ಹೊಳೆಯಪ್ಪನವರ, ವೆಂಕಪ್ಪ ಕೊರಗಲ್, ಗವಿಸಿದ್ಧಪ್ಪ ಅರಿಕೇರಿ, ಸಂಗಪ್ಪ ಕನಕಲ, ಯರಿಯಪ್ಪಗೌಡ, ಸಂಜೀವರಡ್ಡಿ ಮೇಟಿ, ರಾಜು ಬೈರಣ್ಣ, ಶಂಕ್ರಪ್ಪ ಹುರಕಡ್ಲಿ, ರಮೇಶ ಮುದ್ದಾಬಳ್ಳಿ ಇತರರು ಇದ್ದರು.
ಮಹೇಶ ತಳವಾರ ಮತ್ತು ಜಗದಯ್ಯ ಸಾಲಿಮಠ ಪ್ರಾರ್ತಿಸಿ ಸಂಗೀತ ಕಾರ್ಯಕ್ರಮ ನಡೆಸಿಕೊಟ್ಟರು. ರಾಬಕೊವಿ ಹಾಲು ಒಕ್ಕೂಟದ ಮಾಜಿ ಅಧ್ಯಕ್ಷ ವೆಂಕನಗೌಡ ಹಿರೇಗೌಡ್ರು ಪ್ರಾಸ್ತಾವಿಕ ಮಾತನಾಡಿದರು. ಅಶೋಕ ಬಳ್ಳಾರಿ ನಿರೂಪಿಸಿದರು. ಇದೆ ವೇಳೆ ಗ್ರಾಮದ ವೃದ್ಧರನ್ನು, ಸ್ವಾವಲಂಬಿ ವಿಕಲಚೇತನರನ್ನು, ಭಜನಾ ಸಂಘದವರನ್ನು, ಆರೋಗ್ಯ ಇಲಾಖೆ, ಗ್ರಾ.ಪಂ ಸಿಬ್ಬಂದಿಗಳನ್ನು ಹಾಗೂ ಎಸ್ಸೆಸ್ಸೆಲ್ಸಿ ಮತ್ತು ಪಿಯುಸಿಯಲ್ಲಿ ಅತಿ ಹೆಚ್ಚು ಅಂಕ ಪಡೆದ ವಿದ್ಯಾರ್ಥಿಗಳನ್ನು ಸನ್ಮಾನಿಸಲಾಯಿತು.