ಬಂಡಿಬಸಪ್ಪ ಕ್ಯಾಂಪಿನ ಬಡ ಕುಟುಂಬಗಳಿಗೆ ಯಂಕಪ್ಪ ಕಟ್ಟಿಮನಿ ಬಟ್ಟೆ ವಿತರಣೆ

Distribution of Yankappa Kattimani clothes to poor families in Bandibasappa camp

ಗಂಗಾವತಿ ತಾಲೂಕಿನ ಐತಿಹಾಸಿಕ ಪ್ರಸಿದ್ಧ ಆನೆಗುಂದಿ ರಸ್ತೆಯ ಬಂಡಿ ಬಸ್ಸಪ್ಪ ಕ್ಯಾಂಪಿನಲ್ಲಿ ಶ್ರೀ ಆದಿಶಕ್ತಿ ಲಲಿತಾ ಪರಮೇಶ್ವರಿ ದೇವಿ ದೇವಸ್ಥಾನದಲ್ಲಿ ಶರನ್ನವ ರಾತ್ರಿ ಅಂಗವಾಗಿ ೯ ದಿನಗಳ ಕಾಲ ವೈಭವದಿಂದ ಧಾರ್ಮಿಕ ಕಾರ್ಯಕ್ರಮಗಳು ವೈಭವದಿಂದ ಜರುಗಿದವು. ದಸರಾ ಮಹೋತ್ಸವದ ಅಂಗವಾಗಿ ಶ್ರೀ ದೇವಿಯ ವೈಭವದ ಅದ್ಧೂರಿ ಮೆರವಣಿಗೆ ಜರುಗಿತು.
ದೇವಸ್ಥಾನದ ಪರಮಪೂಜ್ಯಶ್ರೀ ರತ್ನಾನಂದ ಮಹಾಸ್ವಾಮಿಗಳ ನೇತೃತ್ವದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸಮಾಜಸೇವಕ ಯಂಕಪ್ಪ ಕಟ್ಟಿಮನಿ ಮತ್ತು ಕುಟುಂಬದಿAದ ಬಂಡಿಬಸಪ್ಪ ಕ್ಯಾಂಪಿನ ಬಡ ಕುಟುಂಬಗಳಿಗೆ ಬಟ್ಟೆ ವಿತರಿಸಲಾಯಿತು. ಈ ಸಂದರ್ಭದಲ್ಲಿ ಮಾತನಾಡಿದ ಯಂಕಪ್ಪ ಕಟ್ಟಿಮನಿಯವರು, ಸನಾತನ ಸಂಸ್ಕೃತಿ ನಮ್ಮ ದೇಶದ ಬಹುದೊಡ್ಡ ಆಸ್ತಿ, ಸಂಪ್ರದಾಯ ಕಟ್ಟುಪಾಡುಗಳು ಮನುಷ್ಯನಲ್ಲಿ ಶಿಸ್ತು, ಸಂಯಮ ಹಾಗು ವಿಚಾರ ಶಕ್ತಿ ಬೆಳೆಸುತ್ತವೆ. ಯುವ ಸಮುದಾಯ ಹಾದಿ ತಪ್ಪುವುದಿಲ್ಲ. ದೈವಭಕ್ತಿ ಮತ್ತು ಧರ್ಮಕಾರ್ಯಗಳಲ್ಲಿ ಭಾಗವಹಿಸುವ ಪ್ರತಿ ವ್ಯಕ್ತಿಗಳಲ್ಲಿಯೂ ಕೂಡಾ ಕರುಣೆ ಹಾಗು ಪ್ರೀತಿ ವಿಶ್ವಾಸ ಮನೆ ಮಾಡಿರುತ್ತದೆ, ಸಮಾಜಕ್ಕೆ ಮಾದರಿಯಾಗಿ ಹಲವಾರು ಜನರಿಗೆ ಅಂಥ ವ್ಯಕ್ತಿಗಳು ದಾರಿದೀಪವಾಗುತ್ತಾರೆ ಎಂದು ಹೇಳಿದರು.
ಕಾರ್ಯಕ್ರಮದಲ್ಲಿ ಸುತ್ತಮುತ್ತಲಿನ ಗ್ರಾಮಗಳ ಸಾವಿರಾರು ಸಂಖ್ಯೆಯ ಭಕ್ತಾದಿಗಳು ಪಾಲ್ಗೊಂಡಿದ್ದರು.

ಜಾಹೀರಾತು