ಶ್ರಾವಣ ಮಾಸ ಪವಿತ್ರ ಮಾಸ ಪೂಜ್ಯ ಶ್ರೀ ಶರಣುಬಸವ ಸ್ವಾಮೀಜಿ ಅಭಿಮತ

The holy month of Shravan is the month of Pujya Sri Sharanubasava Swamiji’s devotion.

ಜಾಹೀರಾತು

ಇಂದು ಶರಣಗ್ರಾಮ ಗುಳೆ & ವನಜಭಾವಿ ಗ್ರಾಮದ ರಾಷ್ಟ್ರೀಯ ಬಸವ ದಳ ಯುವ ಘಟಕ ಮತ್ತು ಅಕ್ಕ ನಾಗಲಾಂಬಿಕ ಮಹಿಳಾ ಗಣದ ವತಿಯಿಂದ ಶ್ರಾವಣ ಮಾಸದ ನಿಮಿತ್ಯ ಹಮ್ಮಿಕೊಂಡಿರುವ ಮನೆಯಿಂದ ಮನೆಗೆ ಮನದಿಂದ ಮನಕ್ಕೆ ಎಂಬ ಶೀರ್ಷಿಕೆಯ ವಚನ ಜ್ಯೋತಿ ಕಾರ್ಯಕ್ರಮದ ಸಮಾರೋಪ ಸಮಾರಂಭ ಕಾರ್ಯಕ್ರಮ ಹಮ್ಮಿಕೊಳ್ಳಲಾಯಿತು.

ಕಾರ್ಯಕ್ರಮವು 2025 ಸೆಪ್ಟೆಂಬರ್ 29 ರಂದು ವಿಶ್ವ ಗುರು ಬಸವ ಮಂಟಪದಿಂದ ಪ್ರಾರಂಭಗೊಂಡು ಅಗಸ್ಟ್ 23 ರ ವರೆಗೆ ಸಾಗಿಬಂದ ವಚನ ಜ್ಯೋತಿ ಕಾರ್ಯಕ್ರಮ 30 ನೇ ದಿನದ “ವಚನ ಜ್ಯೋತಿ” ಕಾರ್ಯಕ್ರಮವು ಶರಣದಂಪತಿಗಳಾದ ಬಸಮ್ಮ ಗಂಡ ಬಸವರಾಜ ಹೂಗಾರ ಇವರ ಮನೆಯಿಂದ ವಿಶ್ವ ಗುರು ಬಸವ ಮಂಟಪಕ್ಕೆ ಕಳಸ ಕನ್ನಡಿ, ತಾಳ ಮೇಳದೊಂದಿಗೆ ವಿಶ್ವ ಗುರು ಬಸವ ಮಂಟಪಕ್ಕೆ ತೆರಳಿ, ಶ್ರೀ ಚರಮೂರ್ತಿ ಚಿರಂತೇಶ್ವರ ವಿರಕ್ತ ಮಠದ ಪೂಜ್ಯರಾದ ಶ್ರೀ ಶರಣುಬಸವ ಸ್ವಾಮೀಜಿ ಯವರ ಸಾನಿದ್ಯದಲ್ಲಿ ಸಂಪನ್ನಗೊಂಡಿತು.
ಪ್ರಥಮಲ್ಲಿ ಗುರು ಬಸವಣ್ಣನವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ, ಸಾಮೂಹಿಕ ಪ್ರಾರ್ಥನೆ, ಇಷ್ಟ ಲಿಂಗ ಪೂಜೆ, ನಂತರ ವಚನ ಪಠಣದೊಂದಿಗೆ ಅನುಭಾವ ಕಾರ್ಯ ನಡೆಯಿತು. ಕಾರ್ಯಕ್ರಮದ ಸಾನಿದ್ಯ ವಹಿಸಿ ಮಾತನಾಡಿದ ಪೂಜ್ಯ ಶ್ರೀ ಶರಣುಬಸವ ಸ್ವಾಮೀಜಿಯವರು ಮಾತನಾಡಿ,
ಈ ಜೀವನದ ಬದುಕು ಭವ ಬಂಧನಕ್ಕೆ ಸಿಲುಕಿಸದೆ, ಸಂಸಾರದಲ್ಲೆ ಸದ್ಗತಿಯನ್ನ ಕಾಣಬೇಕು. ಸಂಸಾರ ಎನ್ನುವಂತದ್ದು ಗಾಳಿಯಲ್ಲಿ ಹಚ್ಚಿಟ್ಟ ದೀಪದಂತೆ, ಅದು ಯಾವಾಗ ಹಾರಿ ಹೋಗುತ್ತದೊ ಏನೋ ಗೊತ್ತಿಲ್ಲ. ಆ ಗಾಳಿಯ ದೀಪದಂತೆ ನಮ್ಮ ಕಾಯದಲ್ಲಿ ಜೋತಿಯಂತಿರುವ ಆತ್ಮವು ಕೂಡ ಯಾವ ಸಮಯದಲ್ಲಾದರು ಹಾರಿ ಹೋಗುತದೆ. ಶಿರಿತನ ಇರಲಿ, ಬಡತನ ಇರಲಿ ಈ ಎರಡನ್ನು ಶಾಸ್ವತ ಎಂದು ಭಾವಿಸದೆ, ಬಸವ ಭಾವನೆಗಳನ್ನ ಮನದಲ್ಲಿ ಅರಿತುಕೊಂಡು, ಬಸವ (ಶಿವ)ನಾಮ ಸ್ಮರಣೆಯ ಜೊತೆಗೆ ನಿರಂತರ ಕಾಯಕ ಮಾಡುತ್ತ ಸಾಗಿದಾಗ ಮಾತ್ರ ಸದ್ಗತಿ ಕಾಣಲು ಸಾದ್ಯ. ಶ್ರಾವಣ ಮಾಸ ಪಾವನ ಮಾಸವಾಗಿದ್ದು, ವಚನ ಶ್ರವಣ ಮಾಡುವುದು ಮತ್ತು ವಚನಗಳಂತೆ ನಾವು ಸಂಸ್ಕೃತಿ ಸಂಸ್ಕಾರ ಕಲಿಯುವದೇ ಈ ಕಾರ್ಯಕ್ರಮದ ಉದ್ದೇಶ ಆಗಿದೆ. ಪ್ರತಿ ದಿನ ಮನೆಯಿಂದ ಮನೆಗೆ ತೆರಳಿ ಬಸವಾದಿ ಶರಣರ ವಿಚಾರವನ್ನ ಮನವರಿಕೆ ಮಾಡಿ, ಅವರು ಬಾಳಿ ಬದುಕಿದಂತೆ ಬದುಕು ತಟ್ಟಿಕೊಳ್ಳಲು ಕಲಿಸುವ ಪ್ರಯತ್ನ ಮಾಡಿದ ಬಸವ ದಳ ಮತ್ತು ಅಕ್ಕ ನಾಗಲಾಂಬಿಕ ಮಹಿಳಾ ಸಂಘಟನೆಯ ಕಾರ್ಯ ಶ್ಲಾಘನೀಯವಾಗಿದೆ. ಬಸವ ಸಂಸ್ಕೃತಿ ಅತ್ಯಂತ ಅಮೂಲ್ಯವಾದದ್ದು. ನಮ್ಮ ಮನದ ಮೈಲಿಗೆ ಕಳೆದುಕೊಳ್ಳಬೇಕಾದರೆ ಗುರು ಬಸವಣ್ಣನವರು ಕೊಟ್ಟ ವಚನ ಸಾಹಿತ್ಯ ಮನವರಿಕೆ ಮಾಡಿಕೊಂಡು ಬದುಕಿದಾಗ ಮಾತ್ರ ಮನದ ಮೈಲಿಗೆ ಕಳೆದುಕೊಳ್ಳಲು ಸಾದ್ಯ. ದುಶ್ಚಟಗಳನ್ನ ದೂರ ಮಾಡಿಕೊಳ್ಳಲು ವಚನ ಸಾಹಿತ್ಯವೆ ಮನೆ ಮದ್ದಾಗಿದೆ. ಒಟ್ಟಾರೆಯಾಗಿ ನಾವು ದಿನನಿತ್ಯ ಸತ್ಯ ಶುದ್ಧ ಕಾಯಕ ಮಾಡುತ್ತ, ಮೌಢ್ಯಾಚರಣೆಗೆ ಒಳಗಾಗದೆ , ಮಹಾತ್ಮರ ವಿಚಾರವನ್ನ ಮೈಗೂಡಿಸಿಕೊಂಡು ಬಾಳಿ ಬದುಕಿದರೆ ನಮ್ಮ ಜೀವನ ಪಾವನ ಆಗುತ್ತದೆ ಎಂದು ಆಶಿರ್ವಚನ ನೀಡಿದರು. ಕಾರ್ಯಕ್ರಮದ ಕುರಿತು ಶರಣಪ್ಪ ಹೊಸಳ್ಳಿ ಇವರು ಪ್ರಾಸ್ತಾವಿಕ ಮಾತನಾಡಿದರು. ಬಸವನಗೌಡ ಪೋಲಿಸ್ ಪಾಟೀಲ್ ನಿವೃತ್ತಿ ಪಿ ಎಸ್ ಐ ಇವರು ಅಧ್ಯಕ್ಷತೆ ವಹಿಸಿದರು. ಭೀಮನಗೌಡ ಜಾಲಿಹಾಳ ಮಾಜಿ ಸೈನಿಕರು ಇವರು ಕಾರ್ಯಕ್ರಮದ ಷಟಸ್ಥಲ ಧ್ವಜಾರೋಹಣ ನೆರವೇರಿಸಿ ಮಾತನಾಡಿದರು.
ಕಾರ್ಯಕ್ರಮದಲ್ಲಿ ವನಜಭಾವಿ ಗ್ರಾಮದ ಶರಣ ದೇವಪ್ಪ ಕೋಳೂರು ಗೌರವಾಧ್ಯಕ್ಷರು ವನಜಭಾವಿ, ಗಿರಿಮಲ್ಲಪ್ಪ ಪರಂಗಿ ಅಧ್ಯಕ್ಷರು ವನಜಭಾವಿ, ಲಿಂಗನಗೌಡ ದಳಪತಿ,ಪಕೀರಪ್ಪ ಮಂತ್ರಿ, ಬಸವಣ್ಣ ಹೊಸಳ್ಳಿ, ಯಮನೂರಪ್ಪ ಕೋಳೂರು, ಪಂಪಾಪತಿ ಹೊಸಳ್ಳಿ, ಹನಮೇಶ್ ಹೊಸಳ್ಳಿ, ನಿಜಲಿಂಗಪ್ಪ ಮಂತ್ರಿ, ನಿಂಗಪ್ಪ ಜಾಲಿಹಾಳ, ಶಿವಪುತ್ರಪ್ಪ, ಜಗದೀಶ್ ಮೇಟಿ, ಶರಣಪ್ಪ ಮಂತ್ರಿ, ಮಲ್ಲಿಕಾರ್ಜುನ ಮಂತ್ರಿ, ಬಸವರಾಜ ಮತ್ತು ಅಕ್ಕ ನಾಗಲಾಂಬಿಕ ಮಹಿಳಾ ಗಣದ ಪದಾಧಿಕಾರಿಗಳಾದ ಶಂಕ್ರಮ್ಮ ಹೊಸಳ್ಳಿ, ಸಾವಿತ್ರಮ್ಮ ಆವಾರಿ, ನಿಂಗಮ್ಮ ಕೋಳೂರು, ನಾಗಮ್ಮ ಜಾಲಿಹಾಳ, ರೇಣುಕಮ್ಮ ಮಂತ್ರಿ, ಅನ್ನಪೂರ್ಣಮ್ಮ ಹೊಸಳ್ಳಿ, ಶಿವಕಲ್ಲಮ್ಮ ಭೀಮಮ್ಮ ಮಂತ್ರಿ, ಗುರುಲಿಂಗಮ್ಮ ವಿಶಾಲಾಕ್ಷಮ್ಮ, ಹನಮಮ್ಮ ಗಾಳಿ, ಚನ್ನಮ್ಮ ಮಹಾದೇವಿ, ದ್ರಾಕ್ಷಾಯಣಮ್ಮ, ಕಸ್ತೂರಿ,ಮಂಜಮ್ಮ ಇತರರು ಪಾಲ್ಗೊಂಡ ಕಾರ್ಯಕ್ರಮ ಯಶಸ್ವಿಗೊಳಿಸಿದರು.
✍🏿 ಬಸವರಾಜ ಎಸ್ ಹೂಗಾರ ರಾಷ್ಟ್ರೀಯ ಬಸವ ದಳ ಶರಣ ಗ್ರಾಮ ಗುಳೆ