ಮೂರು ದಿನಗಳ ಕಾಲ ‘ಬ್ರಹ್ಮ ಹಬ್ಬ’ ಜಾತ್ರೆ

Brahma Habba’ fair for three days

ಜಾಹೀರಾತು

ಸಾವಳಗಿ: ನಗರದ ಆರಾಧ್ಯ ದೈವ ಶ್ರೀ ಬ್ರಹ್ಮ ದೇವರ (ಬ್ರಹ್ಮ ಹಬ್ಬ) ಜಾತ್ರೆಯನ್ನು ಅಕ್ಟೋಬರ್ 29 ರಿಂದ ಅಕ್ಟೋಬರ್ 31 ರವರಗೆ ಮೂರು ದಿನಗಳ ಕಾಲ ನಡೆಯುತ್ತದೆ.

ಬ್ರಹ್ಮ ಹಬ್ಬ ಜಾತ್ರೆಯು ಅ 29 ರಂದು ಮಂಗಳವಾರ ಬೆಳಗ್ಗೆ ಹೋಮ್ ಹವನಗಳ ಮೂಲಕ ಜಾತ್ರೆ ಪ್ರಾರಂಭ ಆಗುವುದು, ಸಾಯಂಕಾಲ 4 ಗಂಟೆಗೆ ಗ್ರಾಮದ ಹಾಗೂ ಸುತ್ತಮುತ್ತಲಿನ ದೇವರ ಪಲ್ಲಕ್ಕಿಗಳನ್ನು ಬರಮಾಡಿಕೊಳ್ಳುವುದು, ರಾತ್ರಿ 10 ಗಂಟೆಗೆ ಡೊಳ್ಳಿನ ಪದಗಳು ಜರುಗುತ್ತವೆ.

ಅ 30 ಬುಧವಾರ ರಂದು ಬೆಳಿಗ್ಗೆ 9 ಗಂಟೆಗೆ ಕುಂಭಮೇಳದೊಂದಿಗೆ ಎಲ್ಲ ಪಲ್ಲಕ್ಕಿಗಳ ಪ್ರದಕ್ಷಿಣೆ ಹಾಗೂ ಗಂಗಾಪೂಜೆ ಸಕಲ ವಾದ್ಯ ಮೇಳಗಳೊಂದಿಗೆ ನೆರವೇರುವುದು. ಸಾಯಂಕಾಲ 5 ಗಂಟೆಗೆ ಧರ್ಮಸಭೆ ಹಾಗೂ ಸನ್ಮಾನ ಸಮಾರಂಭ, ರಾತ್ರಿ 9 ಗಂಟೆಗೆ ‘ಸಂಗೀತ ರಸ ಸಂಜೆ’ ಕಾರ್ಯಕ್ರಮ ಜರುಗುವುದು.

ಅ 31 ರಂದು ಗುರುವಾರ ಎಲ್ಲ ಪಲ್ಲಕ್ಕಿಗಳ ದೇವರಗಳ ಕರಿ ಹರಿಯುವ ಕಾರ್ಯಕ್ರಮ ನೆರವೇರುವುದು. ಮೂರು ದಿನಗಳ ಕಾಲ ಪ್ರತಿದಿನ ಅನ್ನ ಪ್ರಸಾದ ವ್ಯವಸ್ಥೆ ಇರುತ್ತದೆ. ಹೆಚ್ಚಿನ ಮಾಹಿತಿಗಾಗಿ ಜಾತ್ರಾ ಕಮಿಟಿ ಯವರನ್ನು ಸಂಪರ್ಕಿಸುವಂತೆ ಎಂದು ಪತ್ರಿಕಾ ಪ್ರಕಟಣೆ ತಿಳಿಸಿದೆ.