ಗಂಗಾವತಿ ಶಾಸಕರ ರಾಜೀನಾಮೆಗೆ ಒತ್ತಾಯಿಸಿ ಧರಣಿ

Protest demanding resignation of Gangavathi MLAs

ಗಂಗಾವತಿ,25:ಗಂಗಾವತಿ ವಿಧಾನ ಸಭಾ ಕ್ಷೇತ್ರದ ಶಾಸಕ ಜನಾರ್ಧನ್ ರಡ್ಡಿ ರಾಜೀನಾಮೆಗೆ ಒತ್ತಾಯಿಸಿ ಕೊಪ್ಪಳ ಜಿಲ್ಲಾ ಸರ್ವಾOಗೀಣ ಅಭಿವೃದ್ಧಿ ಹೋರಾಟ ಸಮೀಟಿಯು ನಗರದ ಬಸ್ ನಿಲ್ದಾಣದ ಸಮೀಪದಲ್ಲಿರುವ ಬಸವೇಶ್ವರ ಪುತಳಿ ಮುಂದೆ ಸಾಂಕೇತಿಕ ಧರಣಿ ನಡೆಸಿದರು. ಜಿಲ್ಲಾ ಅಧ್ಯಕ್ಷ ಬಸವರಾಜ ಮ್ಯಾಗಳಮನಿ ಮಾತನಾಡಿ ಶಾಸಕರೇ ಭರವಸೆ ನೀಡಿದ ಅಂಜನಾದ್ರಿಗೆ ಐದು ಸಾವಿರ ಕೋಟಿ ರೂಪಾಯಿ, ಬಡವರಿಗೆ ಡಬಲ್ ಬೆಡ್ ರೂಮ್, ಉದ್ಯೋಗ ಸ್ರಷ್ಟಿಗೆ ಕೈಗಾರಿಕೆ ಸ್ಥಾಪನೆ, ಪುನರ್ಜನ್ಮ ನೀಡಿದ ಕ್ಷೇತ್ರ ಗಂಗಾವತಿ ಎಂದು ಹೇಳಿದ ಎಲ್ಲಾ ಭರವಸೆ ಈಡೇರಿಸಿಲ್ಲ ಎಂದು ಆರೋಪಿಸಿದರು. ಅಲೆಮಾರಿಗೆ ಜನಾಂಗದವರಿಗೆ ವಸತಿ ಕಲ್ಪಿಸಿಕೊಡುವುದು, ಸರ್ಕಾರಿ ಕಛೇಗಳಿಗೆ ಸ್ವಂತ ಕಟ್ಟಡ ಒದಗಿಡುವದು,ಸಿಟಿ ಮಾರ್ಕೆಟ್ ಆರಂಬಿಸುವದು, ಸರ್ಕಾರಿ ಶಾಲೆಗಳಿಗೆ ಮೂಲ ಸೌಕರ್ಯ ಕಲ್ಪಿಸಿಕೊಡುವುದು, ಬೈಪಾಸ್ ರಸ್ತೆ ಸೇರಿದಂತೆ ಹಲವು ಬಾರಿ ಮನವಿ ಸಲ್ಲಿಸಿದರೂ ಸ್ಪಂದಿದಿರುವದಿಲ್ಲ, ಕ್ಷೇತ್ರದಲ್ಲಿದ್ದು ಜನರ ಸಮಸ್ಯೆ ಆಲಿಸುವಲ್ಲಿ ನಿರ್ಲಕ್ಷವಹಿಸಿದ್ದಾರೆ ಎಂದು ಗಂಭೀರ ಆರೋಪ ಮಾಡಿ, ಕ್ಷೇತ್ರದಲ್ಲಿರಬೇಕು ಇಲ್ಲವೇ ರಾಜೀನಾಮೆ ನೀಡಬೇಕು ಎಂದು ಒಟ್ಟಾಯಿಸಿದರು. ಈ ಸಂದರ್ಭದಲ್ಲಿ ಜಡಿಯಪ್ಪ ಹಂಚಿನಾಳ, ರಾಘವೇಂದ್ರ ಕಡೆಬಾಗಿಲು, ಬಸವರಾಜ್ ನಾಯಕ, ರಾಮಣ್ಣ ರುದ್ರಾಕ್ಷಿ, ಅರವಿಂದ್ ಯೋಗಿ, ಬೋಗೇಶ್,ಹನುಮೇಶ್ ಕಾಟಪುರ, ಜಂಬಣ್ಣ ಸಿಂದೊಳ್ಳಿ, ರಮೇಶ್ ಜಂತಗಲ್, ಬಸವರಾಜ್ ಚನ್ನಳ್ಳಿ ಮತ್ತಿತರರು ಇದ್ದರು