ಕುಮತಿ:ಭಾರೀ ಮಳೆ: ಮರ ಬಿದ್ದು ಮನೆ ಸಂಪೂರ್ಣ ಹಾನಿ

Kumati: Heavy rain: tree fell and house completely damaged

ಕಾನಹೊಸಹಳ್ಳಿ: ನಿರಂತರವಾಗಿ ಸುರಿಯುವ ಭಾರೀ ಮಳೆಯಿಂದಾಗಿ ಮನೆಯೊಂದರ ಮೇಲೆ‌ ಮರ‌ ಬಿದ್ದು ಹಾನಿ ಸಂಭವಿಸಿದ ಘಟನೆ ಕೂಡ್ಲಿಗಿ ತಾಲೂಕಿನ ಕುಮತಿ ಗ್ರಾಮದಲ್ಲಿ ನಡೆದಿದೆ.
ಭಾನುವಾರ ರಾತ್ರಿ ಭಾರೀ‌ ಗಾಳಿ‌-ಮಳೆ ಬಂದ ಪರಿಣಾಮ ಜುಮ್ಮೋಬನಹಳ್ಳಿ ಗ್ರಾ.ಪಂ ವ್ಯಾಪ್ತಿಯ ಕುಮತಿ ಗ್ರಾಮದ ವಾಲ್ಮೀಕಿ ಸಮುದಾಯದ ಮಾರಕ್ಕ ತಂದೆ ಕಾಟೇಮಲ್ಲಯ್ಯ ಎಂಬುವರ ಮನೆಯ ಮೇಲೆ ಸಿಬ್ಲು ಮರ ಬಿದ್ದು ಮನೆ ಸಂಪೂರ್ಣ ಹಾನಿಯಾಗಿದೆ.

ಮರ ಬಿದ್ದ ರಭಸಕ್ಕೆ ಮನೆಯ ಹಿಂದಿನ ಗೋಡೆ ಸಂಪೂರ್ಣ ಕುಸಿದು ಬಿದ್ದು ಪರಿಣಾಮ ಮನೆಯೊಳಗಿದ್ದ ಗೃಹ ಬಳಕೆ ಸಾಮಾಗ್ರಿಗಳು ಅಕ್ಕಿ,ಜೋಳ, ಮನೆಯ ಟಿವಿ ಇನ್ನಿತರ ಇಲೆಕ್ಟ್ರಾನಿಕ್‌ ವಸ್ತುಗಳು ಮಳೆ ನೀರಿಗೆ ಹಾನಿಯಾಗಿದೆ, ನಾವು ಹೊಟ್ಟೆ ಪಾಡಿಗಾಗಿ ದೂರದ ಬೆಂಗಳೂರಿಗೆ ದುಡಿಯಲು ಹೋಗಿದ್ದು ಮೊನ್ನೆ ಸುರಿದ ಭಾರಿ ಮಳೆಗೆ ಮರಬಿದ್ದು ನಾವು ವಾಸದ ಮನೆಗೆ ಹಾನಿಯಾಗಿದೆ ಕೂಡಲೇ ಸಂಬಂಧಪಟ್ಟ ಜನಪ್ರತಿನಿಧಿಗಳು, ಮತ್ತು ಕಂದಾಯ ನಿರೀಕ್ಷಕರು, ಸ್ಥಳಕ್ಕೆ ಬಂದು ಪರಿಶೀಲಿಸಿ ನನಗೊಂದು ವಸತಿ ವ್ಯವಸ್ಥೆ ಕಲ್ಪಿಸಿಕೋಡಿ ಎಂದು ಮಾರಕ್ಕ ಪತ್ರಿಕಾ ಮುಖಾಂತರ ಮನವಿ ಮಾಡುತ್ತಿದ್ದಾರೆ.